Gujarat

અંકલેશ્વરમાંથી એટીએસનો નકલી પોલીસમેન ઝડપાયો

અંકલેશ્વર, તા.૬
અંકલેશ્વર જીઆઇડીસી પોલીસે બોગસ છ્‌જી પોલીસ ઇન્સપેક્ટરને ઝડપી કાયદેસરની કાર્યવાહી હાથ ધરી હતી. આ ઇસમ ભૂતકાળમાં પણ બહુરૂપી બનીને લોકોને છેતરતો હોવાનું તપાસમાં બહાર આવ્યું છે.
પ્રાપ્ત પોલીસ સૂત્રીય માહિતી અનુસાર અંકલેશ્વરના કોસમડી ગામમાં સંસ્કાર ધામ સોસાયટીના મકાન નં. ૧૮૭ રહેતો વિજય રાજેન્દ્ર રણસીંગ પોતે ATSમાં પોલીસ ઇન્સ્પેકટર હોવાનો રૂઆબ કરી લોકોને છેતરતો મૂળ મહારાષ્ટ્રનો રહીશ છે. તાજેતરમાં એક સામાજિક કાર્યક્રમમાં વિનયકુમાર આર. સાઠમના બોગસ નામે મુખ્ય અતિથિ તરીકે ગયો હતો. આ બોગસ પોલીસ ઇન્સ્પેકટર નકલી રિવોલ્વર પણ ટાંગતો હતો અને પોલીસ યુનિફોર્મ પણ પહેર્યો હતો. જે અંગેની જાણ અંકલેશ્વર જીઆઇડીસી પોલીસને થતા પોલીસ કાર્યક્રમ સ્થળે પહોંચી ગઈ હતી અને આ ઠગ પાસે આઈ.ડી. કાર્ડ માંગ્યું હતું પરંતુ તે કોઈ જ પોલીસ હોવાના દસ્તાવેજો બતાવી શક્યો નહોતો. આથી પોલીસે તેની અટકાયત કરી કાયદેસરની કાર્યવાહી કરી હતી. તેમજ નકલી પોલીસ બનીને તેણે ભૂતકાળમાં કેટલા લોકો સાથે છેતરપિંડી કરી છે તે દિશામાં કડક પૂછપરછ હાથ ધરી હતી. દરમ્યાન મળતી માહિતી પ્રમાણે ભૂતકાળમાં તેણે મહારાષ્ટ્રના કનકવલી વિસ્તારમાં શિક્ષણ સચિવ તરીકે અને ભંડારા જિલ્લામાં મહિલા બાળ વિકાસ અધિકારી તરીકે ઓળખ આપી લોકોને છેતર્યા હતા. જીઆઇડીસી પોલીસે તેની ધરપકડ કરી હજુ પણ વધુ પૂછપરછ હાથ ધરી છે.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.