Gujarat

અમરેલી તાલુકા કોંગ્રેસ પ્રમુખ અને ઉપપ્રમુખે રાજીનામા આપતાં કોંગ્રેસમાં હડકંપ

(સંવાદદાતા દ્વારા) અમરેલી, તા.૫
અમરેલીના ધારાસભ્ય અને ગુજરાત વિરોધપક્ષના નેતા પરેશભાઈ ધાનાણીથી નારાજ થઇ અમરેલી તાલુકા કોંગ્રેસના પ્રમુખ અને ઉપપ્રમુખે રાજીનામા ધરી દેતા અમરેલી જિલ્લા કોંગ્રેસમાં હડકંપ મચી જવા પામ્યો છે. આ અંગે મળતી માહિતી અનુસાર અમરેલી તાલુકાના કોંગ્રેસ પ્રમુખ અરવિંદ કાછડિયા અને ઉપપ્રમુખ દિલીપ બસિયાએ આજે તેમના હોદ્દા ઉપરથી રાજીનામા ધરી દીધા છે. અરવિંદ કાછડિયાએ જણાવ્યું હતું કે, હું ૨૦/૨૫ વર્ષથી કોંગ્રેસ સાથે જોડાયેલ છું અને હાલમાં તાલુકા પંચાયતમાં ઉપપ્રમુખ તરીકે પણ કામ કરૂં છું. પરંતુ અમારી કોઈપણ રજૂઆત સાંભળવામાં આવતી નથી. અમરેલીના ધારાસભ્ય અને ગુજરાત વિધાસભાના વિરોધપક્ષના નેતા પરેશ ધાનાણી તેમની સાથે મેલી રમત રમી રહયા છે તેવો ખુલ્લો આક્ષેપ કર્યો હતો. તેમની રજૂઆતો કે તાલુકા પંચાયતના કામો અંગે સાથે રાખવામાં આવતા નથી. લોકસભા ચૂંટણી વખતે પણ તેમણે લોકસભા ઇન્ચાર્જ તરીકે કામગીરી કરી હતી અને તાલુકા પંચાયત ચૂંટણી વખતે પણ ભાજપના નેતાઓને પાણી બતાવી તાલુકા પંચાયતમાં જીત હાસલ કરી હતી. પરેશભાઈએ હવે ઉચ્ચ હોદ્દા ઉપર છે. તેમણે હવે તાલુકા પંચાયતમાં અમને કામ કરવા દેવું જોઈએ જ્યારે અમરેલી તાલુકા કોંગ્રેસ પ્રમુખ દિલીપ બસિયાએ પણ અરવિંદભાઈએ રાજીનામું આપ્યા બાદ તુરંત રાજીનામું આપી દીધું હતું. તેમણે પણ કહ્યું હતું કે, અમારી રજૂઆતો સાંભળવામાં પરેશભાઈ પાસે સમય નથી. કોંગ્રેસના કોઈપણ આયોજન કે કાર્યક્રમો વખતે બોલવા દેવામાં આવતા નથી અને તાલુકા પંચાયતની ગ્રાંટો ફાળવાતા નથી. અમારા ફોન પણ પરેશભાઈ ઉપાડતા નથી. અરવિંદભાઈ સાથે ગંદી રાજનીતિ રમત રમવાને લઇ તેમને પણ તાલુકા કોંગ્રેસના ઉપપ્રમુખ પદેથી રાજીનામું ધરી દીધું હતું.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.