International

અલ જઝીરાના પત્રકારને માર મારવામાં આવ્યો, ઇઝરાયેલી સેના દ્વારા ધરપકડ; ૧૨ કલાક પછી છોડવામાં આવ્યા

ઇઝરાયેલી દળોએ પત્રકારના રૂમમાં ઘૂસીને હુમલો કર્યો, જ્યાં તે અન્ય પત્રકારો
સાથે હતો અને તેમની ધરપકડ કરતાં પહેલાં તેમને સખત માર માર્યો અને દવા પીવડાવી

(એજન્સી) તા.૨૬
અલ જઝીરાના અરેબિક પત્રકાર ઇસ્માઇલ અલ-ઘૌલને ગાઝાની અલ-શિફા હોસ્પિટલમાં ઇઝરાયેલી દળો દ્વારા ગંભીર રીતે મારવામાં આવ્યો હતો અને તેની ધરપકડ કરવામાં આવી હતી. આ ઘટના ત્યારે બની જ્યારે તે અલ-ઘૌલ હોસ્પિટલમાં ઇઝરાયેલી સેનાના ચોથા દરોડાને આવરી રહ્યો તો, જ્યાં તબીબી સ્ટાફ, દર્દીઓ અને વિસ્થાપિત પરિવારો સહિત હજારો નાગરિકો ફસાયેલા હતા. અલ-ઘૌલને ૧૨ કલાકની ધરપકડ બાદ મુક્ત કરવામાં આવ્યો હતો. ઇઝરાયેલી દળોએ મીડિયાના સાધનોનો પણ નાશ કર્યો હતો અને હોસ્પિટલમાં એકઠા થયેલા અન્ય પત્રકારોની ધરપકડ કરી હતી. ઇઝરાયેલી દળોએ અલ જઝીરાના સંવાદદાતાના રૂમમાં કથિત રીતે હુમલો કર્યો, જ્યાં તે અન્ય પત્રકારો સાથે હતો અને ધરપકડ કરતા પહેલા તેમને સખત માર માર્યો અને ખેંચી ગયો. ઇઝરાયેલી સેના પર આરોપ છે કે, તેઓ ગાઝામાં નાગરિકો પર થતાં ગુનાઓની જાણ કરતા અટકાવવા માટે પત્રકારોને નિશાન બનાવે છે. કમિટી ટુ પ્રોટેક્ટ જર્નાલિસ્ટ્‌સ (ઝ્રઁત્ન) અને ઈન્ટરનેશનલ પ્રેસ ઈન્સ્ટિટ્યૂટ (આઈપીઆઈ)એ અલ-ઘૌલની ધરપકડને એમ કહીને નિંદા કરી હતી કે પત્રકારો સંઘર્ષના દસ્તાવેજીકરણમાં આવશ્યક ભૂમિકા ભજવે છે અને પત્રકારોની ધરપકડ અને હત્યાઓ ગાઝાની પરિસ્થિતિ વિશેની અમારી સમજણને ઘટાડે છે. ઇઝરાયેલની સૈન્યએ ગાઝાની અલ-શિફા હોસ્પિટલના મર્યાદિત વિસ્તારોમાં લક્ષ્યાંકિત કામગીરી શરૂ કરી, તેમણે ઇઝરાયેલ સામેના હુમલાઓનું સંકલન કરવા માટે સુવિધાનો ઉપયોગ કરીને વરિષ્ઠ હમાસ ઓપરેટિવ્સની હાજરી સૂચવતી ગુપ્ત માહિતીનો દાવો કર્યો. ઇઝરાયેલના કૃષિ પ્રધાન, અવી ડિક્ટરે દાવો કર્યો હતો કે, જો ઇઝરાયેલ ‘હમાસને સંપૂર્ણ રીતે હરાવવા’ ઇચ્છતું હોય તો રફાહ પર જમીન પર આક્રમણ કરવું જ જોઇએ. ‘તે કરવાનો બીજો કોઈ રસ્તો નથી.’ જો કે, યુનાઇટેડ સ્ટેટ્‌સના રાષ્ટ્રપતિ જો બાઇડેને ઇઝરાયેલના પીએમ નેતાન્યાહુને રફાહ પરના તેમના આયોજિત આક્રમણને ‘ભૂલ’ ગણાવીને તેના પર પુનર્વિચાર કરવા હાકલ કરી છે. નેતાન્યાહુએ રફાહ ગ્રાઉન્ડ આક્રમણ માટે ‘વૈકલ્પિક અભિગમો’ પર ચર્ચા કરવા માટે વોશિંગ્ટન, ડીસીમાં ઇઝરાયેલી પ્રતિનિધિમંડળ મોકલવા સંમત થયા હતા. જ્યારે અમેરિકી રાષ્ટ્રપતિએ ગાઝામાં ઇઝરાયેલની તેમની કાર્યવાહી માટે નિંદા અને ટીકા કરી હતી, ત્યારે વિવિધ પ્રસંગોએ તેમણે યુદ્ધવિરામની ખાતરી કરવા માટે કોઈ નક્કર પગલાં લીધા નથી.

Related posts
International

ઇઝરાયેલ ઇરાદાપૂર્વક ગાઝાના બાળકોને ભૂખથી મારી રહ્યું છે : HRW એ ચેતવણી આપી

(એજન્સી) ગાઝા, તા.૧૦હ્યુમન રાઇટ્‌સ વોચ…
Read more
International

ઈદ અલ-ફિત્રના પ્રથમ દિવસે પણ ઈઝરાયેલના ગાઝા પર હવાઈ હુમલા જારી

(એજન્સી) ગાઝા, તા.૧૦બુધવારે મુસ્લિમોના…
Read more
International

૬૦,૦૦૦થી વધુ પેલેસ્ટીનીઓએ અલ-અક્સામસ્જિદમાં ઇદ-ઉલ-ફિત્રની નમાઝ અદા કરી

(એજન્સી) તા.૧૦૬૦ હજારથી વધુ…
Read more
Newsletter
Become a Trendsetter

Sign up for Davenport’s Daily Digest and get the best of Davenport, tailored for you.

Leave a Reply

Your email address will not be published. Required fields are marked *