National

આઠ માર્ચથી ગૌરી લંકેશની યાદમાં એક અખબાર પ્રસિદ્ધ કરાશે

(એજન્સી) બેંગ્લુરૂ, તા.૩૧
ધ ગૌરી મેમોરિયલ ટ્રસ્ટે હત્યા કરાયેલ પત્રકાર ગૌરી લંકેશને શ્રદ્ધાંજલિ આપવા તથા તેમને યાદ કરવા આંતરરાષ્ટ્રીય મહિલા દિવસ આઠ માર્ચના રોજ એક અખબાર શરૂ કરવાની ઘોષણા કરી છે.
પાંચ સપ્ટેમ્બર ર૦૧૭ના રોજ બેંગ્લુરૂમાં પોતાના ઘર બહાર ગૌરીની ગોળીએ મારી હત્યા કરી નાખવામાં આવી હતી. ત્યારબાદથી તેમના દ્વારા પ્રકાશિત થતું કન્નડ ટેબલોઈડ ‘ગૌરી લંકેશ પત્રિકા’ બંધ થઈ ગયું હતું. સાત સપ્ટેમ્બરનો અંક બહાર પડ્યો હતો. પણ ત્યારબાદ ૩૦ સપ્ટેમ્બરનો અંક પ્રગટ થઈ શક્યો ન હતો. તેમના મોત બાદ પત્રિકાનું પ્રકાશન બંધ હતું.
ગત ડિસેમ્બર માસમાં ધ ગૌરી મેમોરિયલ ટ્રસ્ટની સ્થાપના કરવામાં આવી હતી. આ ટ્રસ્ટનો હેતુ છે કે, તે ગૌરી દ્વારા કરાતાં પ્રમાણિક પત્રકારત્વને આગળ ધપાવશે અને ખેડૂતો, હાંસિયામાં ધકેલાયેલા લોકો કચડાયેલા તથા મજદૂરો અને જરૂરતમંદોનો અવાજ બુલંદ કરશે.
બેંગ્લુરૂમાં તેમના જન્મદિન ર૯ જાન્યુઆરીના રોજ એક કાર્યક્રમ યોજાયો હતો. જેમાં અખબારને પ્રસિદ્ધ કરવાની કટિબદ્ધતા વ્યક્ત કરવામાં આવી હતી. ટ્રસ્ટના સચિવ તથા બેંગ્લુરૂના સામાજિક કાર્યકર ડોડીપલાયા નરસિંહમા મુર્તીએ જણાવ્યું હતું કે, ગૌરીના પત્રકારત્વ અને ગૌરી પત્રિકાને આગળ વધારવી એક ખૂબ મોટી જવાબદારીનું કામ છે. ગૌરીના અભિયાનને આગળ વધારીએ તે અમારી જવાબદારી છે. આગામી આઠમી માર્ચે અખબાર પ્રસિદ્ધ કરવામાં આવશે. ટ્રસ્ટે આ અખબારના ખર્ચને પહોંચી વળવા લોકોને સહયોગ કરવાની વિનંતી કરી છે. આ અખબારનું નામ ‘નવું ગૌરી’ (અમે ગૌરી છે) રખાય તેવી શક્યતા છે.

About author

Articles

"VOICE OF TRUE JOURNALISM"
    Related posts
    National

    એક્સક્લુસિવ : ભાજપના આઈકોન એસપી મુખરજી ગાંધીજીના હત્યારાને બચાવવા માટે ભંડોળ ઊભું કરવામાં ભાગીદાર હતા

    કટ્ટરતા – ભારત ભૂષણ મહાત્મા…
    Read more
    NationalPolitics

    ભાજપની ત્રિરંગા યાત્રાથી ખુશ થવાની જરૂર નથી, RSS ત્રિરંગાથી નફરત કરે છે

    નરેન્દ્ર મોદી સરકારે સ્વતંત્રતાની ૭૦…
    Read more
    National

    મુસ્લિમોએ માત્ર રક્ષાત્મક થવાને બદલે પાશ્ચાત્યવાદ અને હિન્દુત્વ સામે પ્રશ્નો ઊભા કરવાની જરૂર છે

    જરૂરિયાત – ડો. જાવિદ જમીલ હવે…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.