(એજન્સી) નવી દિલ્હી, તા.૧૦
કોરોના વાયરસના રોજિંદા કેસોમાં તાજેતરના સમયમાં સૌથી મોટો ઘટાડો જોવા મળ્યો છે. છેલ્લા ૨૪ કલાકમાં ૩૮,૦૭૪ નવા કેસ નોંધાયા છે, જે નોંધાયેલા ૪૫,૯૦૩ કેસો કરતા નોંધપાત્ર રીતે ઓછા છે. તે જ સમયે, આ સમયગાળા દરમિયાન દૈનિક મૃત્યુમાં પણ ઘટાડો થયો છે. સતત બીજા દિવસે મૃત્યુઆંક ૫૦૦થી ઓછો રહ્યો છે. કેન્દ્રીય આરોગ્ય મંત્રાલય અનુસાર, છેલ્લા ૨૪ કલાકમાં કોરોના વાયરસના ૩૮,૦૭૪ નવા કેસ નોંધાયા છે, તે જ સમયે, કોવિડ-૧૯ને કારણે ૪૪૮ લોકોએ જીવ ગુમાવ્યો છે. દેશમાં કોરોના વાયરસના ઈન્ફેક્શનની કુલ સંખ્યા ૮૫,૯૧,૭૩૧ છે. છેલ્લા ૨૪ કલાકમાં ૪૨,૦૩૩ નવા ડિસ્ચાર્જ સાથે કુલ સાધ્ય કેસ ૭૯,૫૯,૪૦૬ છે. મળતી માહિતી મુજબ દેશમાં કોરોનાથી રીકવર થયેલા દર્દીઓની સંખ્યા ૭૯,૫૯,૪૦૬ છે. છેલ્લા ૨૪ કલાકમાં, ૪૨,૦૩૩ દર્દીઓ ચેપથી મુક્ત, હોસ્પિટલમાંથી ઘરે પાછા ફર્યા છે તે જ સમયે, દેશમાં સક્રિય કેસની સંખ્યા છ લાખથી ઓછી છે. મંત્રાલયના ડેટા મુજબ, દેશમાં સક્રિય કેસની સંખ્યા ૫,૦૫,૨૬૫ છે. છેલ્લા ૨૪ કલાકમાં તેમાં ૪,૪૦૮નો ઘટાડો થયો છે, તે જ સમયે, કોરોનાને કારણે પોતાનો જીવ ગુમાવનારા લોકોની સંખ્યા ૧,૨૭,૦૫૯ છે.
