National

કોંગ્રેસમાં મોદીના મુખ્ય આલોચક અને ગાંધી પરિવારના મુખ્ય સમર્થક તરીકે અશોક ગેહલોત તદ્દન નવા અવતારમાં

 

(એજન્સી) તા.૯
થોડા મહિના પૂર્વે પોતાના જ ડેપ્યુટી દ્વારા સચિન પાયલટના બળવાને મહાત કરનાર રાજસ્થાનના મુખ્ય પ્રધાન અશોક ગેહલોત હવે નરેન્દ્ર મોદી સરકારની નીતિ અને નિર્ણયોની ટીકા કરવા માટે કોંગ્રેસનો મુખ્ય અવાજ તરીકે ઊભરી આવ્યાં છે. ગેહલોતે કોવિડ-૧૯ સંક્રમણ સાથે કેન્દ્ર દ્વારા લેવામાં આવેલ પગલાંઓથી લઇને આ મહામારી સામે કામ લેવામાં રાજ્યોને કેન્દ્રના અપર્યાપ્ત સહયોગ અને ખેડૂતોના આંદોલન મુદ્દે અગ્રીમ મોરચે મોદી સરકાર પર ટીકા કરી રહ્યાં છે. એટલું જ નહીં ભાજપ શાસિત રાજ્ય સરકારો દ્વારા લવજેહાદના કાયદાને ઘડવાની કાર્યવાહીની પણ ગેહલોતે પક્ષના મુખ્ય અવાજ તરીકે ઝાટકણી કાઢી છે. આ પીઢ નેતા હવે કોઇ પણ જાતના ખચકાટ વગર રાષ્ટ્રીય રીતે મહત્વપૂર્ણ મુદ્દાઓ પર પોતાના મંતવ્યો વ્યક્ત કરી રહ્યાં છે અને આમ અત્યાર સુધી પ્રસિદ્ધિથી દૂર રહીને લો પ્રોફાઇલ રાખવામાં માનતા ગેહલોતનો હવે કોંગ્રેસમાં હવે નવો અવતાર જોવા મળી રહ્યો છે અને વિવિધ મુદ્દે તેઓ આગળ આવીને પક્ષની પ્રતિક્રિયાને વાચા આપી રહ્યાં છે. ગેહલોતે છેલ્લા કેટલાક મહિનાથી નિયમિત રીતે વડા પ્રધાનને પત્રોનો મારે ચલાવ્યો છે અને તેઓ ભાજપ શાસન પર પોતાના આકરા પ્રહારો સાથે ટ્‌વીટર જેવા સોશિયલ મીડિયામાં પણ અગ્રીમ મોરચે જોવા મળ્યાં છે. ખાસ કરીને ગાંધી પરિવારના મુખ્ય ટ્રબલ શૂટર રહેલા અહેમદ પટેલના અવસાન બાદ ગેહલોત હવે કોંગ્રેસના પ્રથમ પરિવારનો આગળ આવીને બચાવ કરી રહ્યાં છે. આ સંદર્ભમાં હાવે એવા તર્ક વિતર્કો વહેતાં થયાં છે કે શું તેઓ હવે પક્ષ માટે આગામી અહેમદ પટેલ બનશે કે કેમ ?

About author

Articles

"VOICE OF TRUE JOURNALISM"
    Related posts
    National

    એક્સક્લુસિવ : ભાજપના આઈકોન એસપી મુખરજી ગાંધીજીના હત્યારાને બચાવવા માટે ભંડોળ ઊભું કરવામાં ભાગીદાર હતા

    કટ્ટરતા – ભારત ભૂષણ મહાત્મા…
    Read more
    NationalPolitics

    ભાજપની ત્રિરંગા યાત્રાથી ખુશ થવાની જરૂર નથી, RSS ત્રિરંગાથી નફરત કરે છે

    નરેન્દ્ર મોદી સરકારે સ્વતંત્રતાની ૭૦…
    Read more
    National

    મુસ્લિમોએ માત્ર રક્ષાત્મક થવાને બદલે પાશ્ચાત્યવાદ અને હિન્દુત્વ સામે પ્રશ્નો ઊભા કરવાની જરૂર છે

    જરૂરિયાત – ડો. જાવિદ જમીલ હવે…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.