Gujarat

કોંગ્રેસે વિરોધ પ્રદર્શન કરી આવેદનપત્ર પાઠવ્યું ભાવનગરમાં ગેરકાયદેસર દબાણો હટાવવાની ઝુંબેશમાં તંત્રની બેધારી નીતિ

 

(સંવાદદાતા દ્વારા)
ભાવનગર, તા.૪
ભાવનગર શહેરમાં ગેરકાયદેસર દબાણો હટાવવાની ઝુંબેશમાં તંત્રની બેધારી નીતિ સામે કોંગ્રેસે વિરોધ કરી રેલી યોજી આવેદનપત્ર આપ્યું છે. પગલાં નહીં લેવાય તો આમરણાંત ઉપવાસની ચીમકી પણ ઉચ્ચારી છે. ભાવનગર શહેર કોંગ્રેસ સમિતિ દ્વારા આવેદનપત્ર પાઠવી રજૂઆત કરવામાં આવી હતી કે, ભાવનગર શહેરના કાળિયાબીડ જેવા વિસ્તારમાં મોટા-મોટા ગેરકાયદેસર અને બોરતળાવની ડૂબની જમીન ઉપર પાકા બાંધકામો કરવામાં આવ્યા છે. તેની સામે કોઈ પગલાં લેવામાં આવતા નથી. આવા ગેરકાયદેસર દબાણો દૂર કરાતા નથી. માત્ર ગરીબ અને આર્થિક રીતે નબળા લોકોના ઝૂંપડાઓ તોડી નાખવામાં આવે છે. નાના માણસોના દબાણો હટાવવામાં આવે છે. આ રીતે બેધારી નીતિ અપનાવવામાં આવી રહી છે. તેનો કોંગ્રેસ પક્ષે વિરોધ કર્યો છે. જો ૪૮ કલાકની અંદર કોઈ કાર્યવાહી કરવામાં નહીં આવે તો કોંગ્રેસ પક્ષ દ્વારા ધરણા અને આમરણાંત ઉપવાસની ચીમકી ઉચ્ચારવામાં આવી છે. આ બાબતે મહાનગરપાલિકાના વિરોધપક્ષના નેતા તેમજ અન્ય કોર્પોરેટર દ્વારા પણ વિરોધ કરવામાં આવેલ છતાં કોઈ પગલાં લેવામાં આવ્યા નથી. ફક્ત ખાત્રી આપેલ છતાં આજદિન સુધી કોઈ પગલાં લેવામાં નહીં આવતા આ બાબતે રાજ્યના મુખ્યમંત્રી તેમજ નાયબ મુખ્યમંત્રી અને સંબંધિત વિભાગના અધિકારીને રજૂઆત કરેલ છતાં કોઈ કાર્યવાહી કરવામાં આવેલ નથી. આવેદનપત્ર આપતી વેળાએ ભાવનગર શહેર કોંગ્રેસ સમિતિના પ્રમુખ પ્રકાશ વાઘાણી, ભાવનગર મહાનગરપાલિકા વિરોધપક્ષના નેતા જયદીપસિંહ ગોહિલ સહિતના મોટી સંખ્યામાં ઉપસ્થિત રહ્યા હતા.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.