International

કોરોના સંક્રમણને ડામવા માટે ઈઝરાયેલમાં ત્રણ અઠવાડિયા માટે લોકડાઉન

 

જેરૂસલેમ, તા.૧૪
ઇઝરાયલના વડાપ્રધાન બેન્જામિન નેતન્યાહુએ દેશમાં કોરોના વાયરસના ઝડપથી વધી રહેલા કેસોને જોતા ત્રણ અઠવાડિયા માટે લોકડાઉનની જાહેરાત કરી છે. દરમ્યાન સંક્રમણને રોકવા માટે શાળાઓ અને દુકાનો બંધ રખાશે. શુક્રવારથી શરૂ થનાર આ કોરોના લોકડાઉન દરમ્યાન ઇઝરાયલી લોકોની અવર-જવર પર પ્રતિબંધ રહેશે. નેતન્યાહુએ કહ્યું, ‘અમારું લક્ષ્ય કોરોના વાયરસને રોકવાનું અને સંક્રમણની સંખ્યાને ઘટાડવાનું છે. હું જાણું છું કે આ પગલાં માટે આપણે બધાએ એક મોટી કિંમત ચૂકવવી પડશે. આ કોઈ રજાઓ નથી કે લોકો સામાન્ય રીતે ટેવાયેલા છે.’ ઇઝરાયલમાં કોરોના વાયરસ ફેલાયા બાદ આ બીજીવાર લોકડાઉન લાગૂ કરવામાં આવ્યું છે. લોકડાઉનને કારણે કોરોના સંક્રમણનો દર ઓછો થઇ જાય છે પરંતુ દેશના અર્થતંત્ર અને રોજગાર પર ગંભીર અસરો પડે છે. બીજી તરફ દેશમાં લોકડાઉન લાદવાનો વિરોધ પણ શરૂ થઈ ગયો છે. કોરોના વાયરસના વધતા જતા કેસોને કારણે યહૂદી નવા વર્ષ પહેલા આ અઠવાડિયે રાષ્ટ્રવ્યાપી લોકડાઉન લાદવાના સરકારના નિર્ણયના વિરોધમાં રવિવારે એક ઇઝરાયલી મંત્રીએ રાજીનામું આપ્યું હતું. ઇઝરાયલમાં મહામારીની શરૂઆત દરમ્યાન આરોગ્ય મંત્રી રહી ચૂકેલા અને અત્યારે આવાસ મંત્રી યાકોવ લિત્જમેન એ અપેક્ષિત લોકડાઉન પગલાની ખૂબ જ ટીકા કરી અને કહ્યું હતું કે તેનાથી લોકોને ખૂબ મુશ્કેલી પડશે. ઇઝરાયલમાં અત્યાર સુધીમાં મહામારીના ૧,૫૦,૦૦૦થી વધુ કેસો નોંધાઇ ચૂકયા છે અને ૧૧૦૦થી વધુ લોકોનાં મોત નીપજ્યાં છે.

About author

Articles

"VOICE OF TRUE JOURNALISM"
    Related posts
    International

    ડોનાલ્ડ ટ્રમ્પ ચૂંટણી રેલીમાં ગોળીબારથી ઘાયલ જો કે સુરક્ષિત : શકમંદ બંદૂકધારી ઠાર, એક દર્શકનું પણ મૃત્યુ

    અમેરિકી અધિકારીઓએ જણાવ્યું હતું કે…
    Read more
    International

    ‘ઇઝરાયેલ દ્વારા વૃદ્ધો અને બાળકોની હત્યા ધિક્કારપાત્ર ગુનો છે’ : હમાસ

    (એજન્સી) તા.૧૪ઇસ્લામિક પ્રતિકાર જૂથ…
    Read more
    International

    ઇઝરાયેલની સેનાએ ગાઝાના શુજૈયામાં ૩૫ ટકા ઇમારતો નષ્ટ કરી દીધી છે : નગરપાલિકા

    ગાઝા મ્યુનિસિપાલિટીએ કહ્યું છે કે…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.