National

ગુજરાતમાં કોવિડ-૧૯ના કારણે વધી રહેલા મૃત્યુઓ પાછળ સિંગલ સોર્સ નમસ્તે ટ્રમ્પ કાર્યક્રમ જવાબદાર છે ?

(એજન્સી) નવી દિલ્હી, તા.૮
કોવિડ-૧૯ના કારણે અમદાવાદમાં ર૯૮ લોકોના મોત થયા હતા જ્યારે ગુજરાતમાં મૃત્યુઆંક ૩૯૬ થયો હતો. સત્તાવાર ન્યૂઝ એજન્સીએ સ્વાસ્થ્ય વિભાગના કર્મચારીઓને ટાંકીને કહ્યું હતું કે, છેલ્લા ર૪ કલાકમાં ગુજરાતમાં કોવિડ-૧૯ના ૩૮૦ નવા કેસો નોંધાયા હતા અને ર૮ લોકોના મોત થયા હતા જ્યારે રપ મૃત્યુઓ તો ફકત અમદાવાદમાં નોંધાયા હતા. પરિસ્થિતિ નિયંત્રણ બહાર જતાં અમદાવાદના વહીવટી તંત્રે કડક નિયંત્રણો લાગુ કરતાં કરિયાણું, શાકભાજી અને ફળો વેચવા પર પ્રતિબંધ મૂકયો હતો. હવે ફકત દૂધ અને દવા વેચતી દુકાનો જ ખુલ્લી રહેશે. વિશ્વમાં મહામારી તેની ટોચ પર હતી ત્યારે અમેરિકાના પ્રમુખ ડોનાલ્ડ ટ્રમ્પે અમદાવાદમાં યોજાયેલા નમસ્તે ટ્રમ્પ કાર્યક્રમમાં હાજરી આપી તે સંદર્ભે ગુજરાતમાં બગડતી જતી પરિસ્થિતિ અર્થસૂચક છે. નિષ્ણાંતોની દલીલ છે કે ચીન અને યુરોપથી આવી રહેલા ભયંકર સમાચારોને ધ્યાનમાં રાખી ભારત સરકારે આ કાર્યક્રમ રદ કરી દેવો જોઈતો હતો. રાષ્ટ્રપતિ ટ્રમ્પને આવકારવા માટે રસ્તાની બન્ને બાજુ હજારો લોકો એકત્ર થયા હતા અને ટ્રમ્પ તેમજ વડાપ્રધાન મોદીને સાંભળવા માટે અમદાવાદના સ્ટેડિયમમાં એક લાખથી વધુની ભીડ એકત્ર થઈ હતી. ગુજરાત ઉપરાંત મહારાષ્ટ્રમાં પણ છેલ્લા ર૪ કલાકમાં કોવિડ-૧૯ના કારણે ૩૪ લોકોના મોત થયા હતા. મહારાષ્ટ્ર ગુજરાતનો પાડોશી રાજ્ય છે અને ગુજરાતમાં રાષ્ટ્રપતિ ટ્રમ્પ અને વડાપ્રધાન મોદીના કાર્યક્રમમાં સેંકડો લોકો એકત્ર થયા હતા. આ કારણે ઘણા લોકો સરકાર પર નિશાન સાધી રહ્યા છે. ઘણા લોકો પ્રશ્ન કરી રહ્યા છે કે સિંગલ સોર્સ નમસ્તે ટ્રમ્પ શું કયારેય પણ લોકોના નિરીક્ષણમાં આવશે.

About author

Articles

"VOICE OF TRUE JOURNALISM"
    Related posts
    NationalPolitics

    ‘‘મારો દીકરો તમને સોંપું છું’’ : રાયબરેલીમાં સોનિયાની ભાવુક અપીલ

    રાયબરેલીમાં સોનિયા ગાંધી સાથે…
    Read more
    National

    બુરખો પહેરેલી પ્રશંસકને ગળેભેટવાનું શાહરૂખ ખાને ટાળી લોકોના દિલ જીત્યાં, વીડિયો વાયરલ થયો

    (એજન્સી) તા.૧૭બોલિવૂડ સુપરસ્ટાર…
    Read more
    NationalPolitics

    ૧૦ રાજ્યો, કેન્દ્રશાસિત પ્રદેશોમાંEVMસ્ની ફરિયાદો વચ્ચે એકંદરે શાંતિપૂર્ણ મતદાન ચોથા તબક્કામાં ૯૬ બેઠકો માટે ૬૨ ટકાથી વધુ મતદાન

    પશ્ચિમ બંગાળમાં સૌથી વધુ ૭૫ ટકા અને…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.