Ahmedabad

ગુજરાતમાં ભાજપના ઉમેદવારો નહી પણ ખુદ પીએમ અને મંત્રીમંડળ ચૂંટણી લડી રહ્યું છે

અમદાવાદ,તા.૨૩
કોંગ્રેસના રાષ્ટ્રીય નેતા ગુલામનબી આઝાદે આજે અમદાવાદની મુલાકાત દરમ્યાન મોદી સરકાર અને ભાજપ પર આકરા પ્રહારો કરતાં જણાવ્યું હતું કે, ગુજરાત વિધાનસભાની ચૂંટણીઓને લઇ ભાજપ સરકાર ડરેલી છે. મોદી સરકારે વિપક્ષોને અંધારામાં રાખી સંસદનુ સત્ર સમયસર બોલાવ્યું નથી. ચૂંટણીને લઇ ભાજપ કયારેય ધર્મ તો કયારેક જાતિના નામે લોકો સાથે છેતરપીંડી કરી રહી છે. અમિત શાહના પુત્ર જય શાહની રૂ.૫૦ હજારમાંથી રૂ.૮૦ કરોડ બનાવવાની ફોર્મ્યુલા કોઇ ના પૂછે એટલે સંસદનું સત્ર નહી બોલાવ્યાનો આક્ષેપ પણ તેમણે કર્યો હતો. કોંગ્રેસના રાષ્ટ્રીય નેતા ગુલામનબી આઝાદે વધુમાં જણાવ્યું હતું કે, કેન્સરની બિમારીને લઇ ભાજપના મંત્રીએ આપેલા નિવેદન પરથી ભાજપની માનસિકતા અને નેતાઓનું ચરિત્ર સ્પષ્ટ થઇ જાય છે. નાના રાજયોની ચૂંટણી હોય તો પણ બે મહિના પહેલા મોદી સરકારના કેબીનેટ મંત્રીઓ ગાયબ થઇ જાય છે, તેથી ભાજપની કેન્દ્રીય કેબીનેટનું નામ બદલવુ જોઇએ અને યુનિયન કેમ્પેઇન કેબીનેટ કરવું જોઇએ. ખરેખર તો, જનતાની સેવા માટે કેબીનેટ મંત્રીઓ દિલ્હીમાં હોવા જોઇએ પરંતુ આ કેબીનેટ માત્ર ચૂંટણી પ્રચારનું જ કાર્ય કરી રહ્યું છે. યુપીએ સરકારમાં આવું ન હતું. કોઇ જગ્યાએ ચૂંટણી હોય અને પ્રચાર કરવાનો થાય તો પણ બે કે ચાર મંત્રીઓ આવતાં પરંતુ મોદી રાજમાં તો આખેઆખુ કેબીનેટ જ પ્રચારમાં ઉતરી જાય છે. તેમણે હળવો કટાક્ષ કરતાં વધુમાં જણાવ્યું કે, ગુજરાત વિધાનસભાની આ વખતની ચૂંટણીમાં ભાજપના ઉમેદવારો ચૂંટણી નથી લડી રહ્યા પરંતુ ખુદ વડાપ્રધાન અને કેન્દ્રીય મંત્રીમંડળ ચૂંટણી લડી રહ્યા છે. સંસદના શિયાળુ સત્રમાં ભાજપને તેમના ખોટા કાયદા અને ભ્રષ્ટાચાર બહાર આવવાનો ડર છે અને તેથી વિપક્ષોને અંધારામાં રાખી સંસદનું સત્ર હજુ બોલાવ્યું નથી. નોટબંધી અને જીએસટીને લઈને પણ તેમણે આકરા પ્રહારો કર્યા હતા.

About author

Articles

"VOICE OF TRUE JOURNALISM"
    Related posts
    AhmedabadGujarat

    વૃક્ષો જ નહીં હોય ત્યાં તીવ્ર ગરમીમાં ક્યાં જઈશું ?

    રાજ્યમાં હાલ તીવ્ર ગરમીનો માહોલ છે.
    Read more
    Ahmedabad

    અમદાવાદ એરપોર્ટ પર આવી પહોંચતા જ ATSએ તેમની કરી ધરપકડISIS સાથે સંકળાયેલ શ્રીલંકાના ચાર શંકાસ્પદ આતંકવાદીઓને ઝડપી લેવાયા

    ATSના ડીવાયએસપીને ૧૮ મેએ બાતમી મળ…
    Read more
    AhmedabadGujarat

    માવઠાના માર બાદ અગનભઠ્ઠીમાં શેકાયું ગુજરાત : સુરેન્દ્રનગરમાં પારો ૪૪.૭ ડિગ્રી

    ડીસામાં ૪૪.૪, અમદાવાદમાં ૪૪.ર અને…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.