National

છત્તીસગઢમાં ભાજપ નેતા દ્વારા ચલાવાતી ગૌશાળામાં ભૂખમરા અને કાળજીના અભાવે ર૦૦ ગાયોનાં કમકમાટીભર્યા મોત

(એજન્સી) દુર્ગ, તા.૧૮
છત્તીસગઢના દુર્ગ જિલ્લાના રાજપુર ગામમાં ભાજપ નેતા દ્વારા ચલાવાતી ગૌશાળામાં છેલ્લા ત્રણ દિવસ દરમિયાન ભૂખમરા અને પૂરતી દવાઓ નહીં આપવાના લીધે ર૦૦ ગાયોનું મૃત્યુ થયું હોવાની ઘટના બહાર આવી છે. અધિકારીઓએ પુષ્ટિ કરી કે ર૭ ગાયોનું મૃત્યુ ભૂખમરાના લીધે થયો હતો પણ ગ્રામવાસીઓ કહે છે કે મૃત્યુઆંક ર૦૦થી પણ વધુ હોઈ શકે છે. મોટાભાગની મૃત ગાયોને દાટી દેવામાં આવી છે. ભાજપ નેતા હરીશ વર્મા છેલ્લા ૭ વર્ષથી આ ગૌશાળા ચલાવે છે જે જામુલ નગર નિગમના અધ્યક્ષ પણ છે. રાજપુરના સરપંચના પતિ સેવારામ સાહુએ જણાવ્યું કે અમે નોંધ્યું હતું કે જેસીબી મશીનો ગૌશાળા પાસે કાર્ય કરી રહી હતી. જ્યારે અમે ત્યાં ગયા ત્યારે અમે જોયું કે ઘણા બધા ખાડાઓ ખોદેલ હતા જે મૃત ગાયોને દાટવા માટે ખોદાયેલ હતા. એ ઓછામાં ઓછી ર૦૦ હશે. ત્યાં હાજર રહેલ ડોક્ટરોએ જણાવ્યું કે ગાયોનું મૃત્યુ ઘાસચારો નહીં મળવાથી અને દવાઓ નહીં આપવાથી થયું હતું. જો કે ભાજપ નેતા જણાવે છે કે ગાયોનું મૃત્યુ બે દિવસ અગાઉ દીવાલ પડી જવાથી થયું હતું. દુર્ગ જિલ્લાના પશુ વિભાગના નાયબ નિયામકે કે છેલ્લા બે દિવસોમાં ર૭ ગાયોનું પોસ્ટમોર્ટમ કરાયું હતું. જેમાં એમની મૃત્યુ પાછળ ભૂખમરો અને અપૂરતી દવાઓ હોવાનું જણાય છે. ડોક્ટરોએ જણાવ્યું કે અન્ય પ૦ ગાયોની સ્થિતિ ગંભીર છે જેમની સારવાર ચાલી રહી છે. વર્માએ રાજ્ય સરકાર ઉપર આક્ષેપ મૂક્યો કે સરકાર ગૌશાળા માટે પૈસા આપતી નથી. જે માટેની માગણી છેલ્લા ર વર્ષથી કરવામાં આવી રહી છે.

About author

Articles

"VOICE OF TRUE JOURNALISM"
    Related posts
    National

    રાજકોટ પછી દિલ્હીની હોસ્પિટલ સળગી, ૭ નવજાતનાં મોત

    દિલ્હીની વિવેકવિહારમાં આવેલી ન્યુ…
    Read more
    NationalPolitics

    ‘‘મારો દીકરો તમને સોંપું છું’’ : રાયબરેલીમાં સોનિયાની ભાવુક અપીલ

    રાયબરેલીમાં સોનિયા ગાંધી સાથે…
    Read more
    National

    બુરખો પહેરેલી પ્રશંસકને ગળેભેટવાનું શાહરૂખ ખાને ટાળી લોકોના દિલ જીત્યાં, વીડિયો વાયરલ થયો

    (એજન્સી) તા.૧૭બોલિવૂડ સુપરસ્ટાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.