National

જજ ઉપર કથિત હુમલો : પટના હાઇકોર્ટે સુઓમોટો નોંધ લીધી, DGPએ લીધેલ પગલા બાબતે રિપોર્ટ રજૂ કરવા નિર્દેશો આપ્યા

 

(એજન્સી) પટના, તા.૨૨
પટના હાઇકોર્ટે એક અખબારમાં છપાયેલ સમાચારના આધારે સ્વમેળે નોંધ લીધી હતી જેમાં એક જજ ઉપર ૧૮મી ડિસેમ્બરે હુમલો કરવાની હકીકતો જણાવેલ હતી. મુખ્ય ન્યાયાધીશ સંજય કરોલ અને જજ એસ. કુમારે હિલ્સા (નાલંદા)ના એ.ડી.જી. જયકિશોર દુબે ઉપર કથિત હુમલો કરવાના સમાચારો વાંચ્યા હતા. જજ પોતાની અધિકૃત કારમાં હિલ્સામાં મુસાફરી કરી રહ્યા હતા. હિલ્સા પોલીસે પહેલેથી જ ૧૭/૧૨/૨૦ના રોજ આઈ.પી.સી.ની કલમો ૩૪૧, ૩૨૩, ૫૦૪, ૪૨૭, ૩૦૭, ૫૦૬/૩૪ હેઠળ કેસ નોંધ્યો હતો. જોકે એડવોકેટ જનરલે કોર્ટ સમક્ષ રજૂઆત કરતા જણાવ્યું કે તે સ્થળે ગોળીબારની કોઈ ઘટના બની નથી, જે રીતે અખબારમાં ખબર છપાઈ છે. ફાયરીંગની ઘટના આ ઘટના સાથે સંબંધ ધરાવતી નથી અને એ અન્ય સ્થળે થઇ હતી. એમણે કહ્યું કે આ ઘટના સંદર્ભે એફ.આઈ.આર. નોંધાઈ છે અને તપાસ ચાલી રહી છે અને પોલીસ કાયદા મુજબ પગલાં લેશે. કોર્ટે વધુમાં નિર્દેશો આપ્યા કે લીધેલ પગલાઓનો સંપૂર્ણ રિપોર્ટ આગામી તારીખ સુધી ડી.જી.આઈ. દ્વારા રજૂ કરવામાં આવે. કોર્ટે આગામી સુનાવણી ૨૩ ડિસેમ્બરે રાખી હતી. આ સાથે જોડાયેલ એક અન્ય ઘટના પણ ૨૧મી ઓક્ટોબરના રોજ બની હતી, જેમાં વધારાના ડીસ્ટ્રિકટ જજ ડૉ. દિનેશ કુમાર પ્રધાનને કથિત રીતે ઔરંગાબાદના શહેર પોલીસ સ્ટેશનના પોલીસ સબ ઇન્સ્પેકટર પ્રણવ દ્વારા ગાળો આપી ધમકીઓ આપવામાં આવી હતી અને એમનો પીછો કરાયો હતો જ્યારે સાંજે તેઓ ફરવા જઈ રહ્યા હતા. આ ઘટનાઓના પગલે જજોના એસોસીએશને સી.જે.આઈ.ને પત્ર લખી જજો ઉપર થતા હુમલાઓને ગંભીરતાથી લઇ પગલાં લેવા વિનંતી કરાઈ હતી.

About author

Articles

"VOICE OF TRUE JOURNALISM"
    Related posts
    National

    ટોક ઓફ ટાઉન : અનંત અંબાણી અનેતેમની રૂા. ૨૦૦ કરોડની વેડિંગ શેરવાની

    (એજન્સી) તા.૧૩અનંત અંબાણી અને રાધિકા…
    Read more
    National

    ત્રિપુરા : યુવકની મોબ લિંચિંગમાં હત્યા પછી દુકાનમાંતોડફોડ અને આગ લગાવવામાં આવી, ઈન્ટરનેટ સેવા બંધ થઈ

    . પરિસ્થિતિને કાબૂમાં લાવવા માટે…
    Read more
    NationalPolitics

    પેટાચૂંટણીમાં ઇન્ડિયા ગઠબંધનનો જયજયકાર૧૩માંથી ૧૦ બેઠકો મળી, ભાજપને ૨, અપક્ષને ૧ બેઠક

    કોંગ્રેસે ચાર, તૃણમૂલ કોંગ્રેસે…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.