Gujarat

જામનગરમાં મોંઘવારી મુદ્દે કોંગ્રેસના ધરણા : ડુંગળીને સોનાના ઘરેણાના બોક્સમાં રાખીને વિરોધ કર્યો

(સંવાદદાતા દ્વારા) જામનગર, તા.ર
ખાદ્ય અને જીવન જરૂરી ચીજવસ્તુના વધતા જતા ભાવ અને મોંઘવારીએ માઝા મૂકતા આ પ્રશ્નને વાચા આપવા માટે જામનગરમાં કોંગ્રેસ દ્વારા નવતર પ્રકારના વિરોધ પ્રદર્શન સાથે ધરણાંનો કાર્યક્રમ યોજવામાં આવ્યો હતો. ખાસ કરીને રાંધણગેસમાં તગડો ભાવ વધારો તો ડુંગળીને સોનાના ઘરેણાના બોક્સમાં રાખીને વિરોધ પ્રદર્શન કરવામાં આવ્યું હતું.
‘બહુત હુઈ મહેંગાઈ કી માર, અબ નહીં ચાહિએ યે સરકાર’ના સૂત્ર સાથે જામનગર શહેર કોંગ્રેસ સમિતિ દ્વારા આજે મોંઘવારીના મુદ્દે વિરોધ પ્રદર્શન સાથે ધરણાંનો કાર્યક્રમ યોજવામાં આવ્યો હતો. શહેરના લાલબંગલા સર્કલમાં આયોજીત આ કાર્યક્રમમાં ધારાસભ્ય વિક્રમભાઈ માડમ, મહાનગરપાલિકાના વિરોધ પક્ષના નેતા અલ્તાફ ખફી, કોર્પોરેટર જેનમબેન ખફી, આનંદ રાઠોડ, આનંદ ગોહિલ, મરિયમબેન, યુસુફ ખફી, નિતાબેન પરમાર, દેવસીભાઈ આહિર ઉપરાંત સહારાબેન મકવાણા, ક્રિપાલસિંહ વાળા, શહેર કોંગ્રેસ મહિલા પાંખના પ્રમુખ રંજનબેન ગજેરા સહિતના કાર્યકર્તાઓ-આગેવાનો આ કાર્યક્રમમાં જોડાયા હતા.
આ કાર્યક્રમમાં પ્રદર્શનમાં મહિલા પ્રમુખએ અનાજ, કઠોડને માથા ઉપર પાઘડી પહેરીને અને ગળામાં ડુંગળી-લસણ અને તેલની બોટલ પહેરીને વિરોધ કર્યો હતો. તો ગેસના બાટલામાં તગડો ભાવ વધારો થયો હોવાથી જેનમબેન ખફીએ માથા ઉપર છાણા ભરેલું તગારૂ ઉપાડી વિરોધ નોંધાવ્યો હતો. ઉપરાંત તમામ પ્રદર્શનકારીઓએ ગેસનો બાટલો ચીતરેલા બેનર-પોસ્ટર ગળામાં ધારણ કર્યા હતા.
ખાસ કરીને ગેસના બાટલા, ડુંગળી, લસણ જેવી જીવન જરૂરી ચીજવસ્તુના ભાવમાં વધારો થતા આ વિરોધ પ્રદર્શન અને ધરણાંનો કાર્યક્રમ યોજીને સરકારને જાગૃત કરવા પ્રયાસ કરવામાં આવ્યો હતો. કોર્પોરેટર જેનમબેન ખફીએ હાથમાં સોનાના ઘરેણાના બોક્સમાં ડુંગળી રાખીને વિરોધને અસરકારક બનાવ્યો હતો. તમામ પ્રદર્શનકારીઓએ મોંઘવારી મુદ્દે સૂત્રચ્ચાર કર્યા હતા.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.