Gujarat

ધ્રોલમાં હત્યાના બનાવમાં હથિયાર આપનાર શખ્સની હરિયાણાથી અટકાયત

જામનગર,તા.૭
ધ્રોલમાં ફાયરીંગ કરી એક યુવાનની નિપજાવાયેલી હત્યાના ઝડપાયેલા બે આરોપીઓ તેમજ અન્ય આરોપીઓની વિગત રેન્જ આઈજીએ પત્રકારોને પુરી પાડી છે. હરિયાણાથી હથિયાર સપ્લાય કરનાર શખ્સને પણ હરિયાણામાં અટકાયતમાં લેવામાં આવ્યો હોવાનું અને હત્યામાં કુલ ૭ સંડોવાણી હોવાનું જણાવ્યું છે. ધ્રોલના ત્રિકોણ બાગ પાસે ગઈકાલે બપોરે મુળ મજોઠ ગામના દિવ્યરાજસિંહ જદુવીરસિંહ જાડેજા તથા તેમના મિત્ર જયદિપસિંહ રાજેન્દ્રસિંહ જાડેજા આવ્યા હતાં. જ્યાંથી કામ પૂર્ણ કર્યા પછી બન્ને વ્યક્તિઓ નજીકમાં જ પાર્ક કરેલી પજેરો મોટરમાં બેવા માટે આગળ વધ્યા ત્યારે જ ધસી આવેલા જામનગર અનિરૃધ્ધસિંહ સોઢા તથા રાજકોટના મુસ્તાક રફીક પઠાણ નામના બે શખ્સે ધક્કો મારી દિવ્યરાજસિંહને જમીન પર પછાડી તેમના પર રિવોલ્વરમાંથી ફાયરીંગ કરી ગંભીર ઈજા પહોંચાડી હતી. તે પછી બન્ને શખ્સ પોતાની જીજે-૩ જેઆર-૮૨૧૮ નંબરની મોટરમાં પૂરપાટ ઝડપે નાસી ગયા હતાં. જામનગર ખસેડાયેલા ઈજાગ્રસ્તનું મૃત્યુ નિપજતાં આ બનાવ હત્યામાં પલ્ટાયો હતો.ઉપરોક્ત બનાવની ધ્રોલ પોલીસે જામનગર એસ.પી. શરદ સિંઘલને જાણ કરતાં રેન્જ આઈ.જી. સંદીપસિંઘને પણ વિગતો આપવામાં આવી હતી. તેઓએ જામનગર ઉપરાંત રાજકોટ, મોરબી અને દ્વારકા જિલ્લામાં નાકાબંધીનો આદેશ કર્યો હતો. ત્યારે જ મોરબીની એ ડિવિઝન પોલીસે તાત્કાલીક શરૃ કરેલી ચેક પોસ્ટ પર ધ્રોલ તરફથી ધસી આવતી સફેદ રંગની સ્વિફટ મોટર ઝડપાઈ ગઈ હતી. જેમાંથી અનિરૃધ્ધસિંહ, મુસ્તાક રફીક પઠાણ મળી આવ્યા હતાં. તેઓનો કબ્જો જામનગર એલસીબીએ સંભાળ્યા પછી પુછ પરછ હાથ ધરતા બન્ને શખ્સોએ ધ્રોલના હાડાટોડા ગામના ઓમદેવસિંહ ગણપતસિંહ જાડેજા સાથે રાજકોટની કોઈ જમીન બાબતે પૈસાની લેતી દેતીના મામલે તકરાર હોય તેણે સોનું તથા બબલુ નામના શાર્પ સુટરને બોલાવી ધ્રોલમાં રહેવાની વ્યવસ્થા કરી આપ્યાની અને હાડાટોડાના જ નરેન્દ્રસિંહ ઉર્ફે કાનાની મદદથી મૃતકની રેકી કરાવ્યા પછી અનિરૃધ્ધસિંહ સોઢાને અગાઉનો ઝગડો હોય હરિયાણાના પલવલ ગામના અજીત ઠાકુર પાસેથી હથીયાર મંગાવી ગઈકાલના બનાવને અંજામ આપ્યાની કબુલાત આપી છે. હાલમાં ઝડપાયેલા આરોપીઓને રીમાન્ડ પર લેવાની તજવીજ કરવામાં આવી રહી છે. અને બાકીના આરોપીઓને નજીકના સમયમાં પકડી પાડવામાં આવશે તેમ આઈજીએ ઉમેર્યું છે.

About author

Articles

"VOICE OF TRUE JOURNALISM"
    Related posts
    Gujarat

    ભાજપના પૂર્વ કેબિનેટ મંત્રી ચાવડાનો સોશિયલ મીડિયા એકાઉન્ટ પર ઈશારો : વીડિયો વાયરલ

    ગુજરાત ભાજપમાં ફરી એકવાર નવા-જૂન…
    Read more
    Crime DiaryGujarat

    રાજકોટનો ગેમઝોન ભયંકર આગમાં બન્યો મોતનો ઝોન : ર૮નાં કરૂણ મોત

    માત્ર એક કલાકમાં જ ર૪ જેટલા મૃતદેહો…
    Read more
    Gujarat

    હિંમતનગરના ગામડી પાસે નેશનલ હાઈવે પર વાહનની ટક્કરે વ્યક્તિનું મોત ઉશ્કેરાયેલા લોકોએ હાઈવે બ્લોક કર્યો પોલીસ પર પથ્થરમારો કરી વાનને આગ ચાંપી

    ટોળાને વિખેરવા ટીયરગેસના ૧ર૦થી વધુ…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.