National

નોટબંધી પછી શંકાસ્પદ વહેવારોમાં ૪૦૦ ટકા વધારો, બનાવટી ચલણી નોટો ઉચ્ચત્તમ સ્તરે : અહેવાલ

(એજન્સી) નવી દિલ્હી, તા.ર૦
નોટબંધી પછી દેશની બેંકોમાં સૌથી વધુ બનાવટી ચલણી નોટો જમા કરાવવામાં આવી છે. એ સાથે બેંકોમાં શંકાસ્પદ નાણાંકીય વહેવારોમાં પણ નોટબંધી પહેલાંના વર્ષ કરતાં ૪૮૦ ટકા વધારો નોંધાયો છે. નોટબંધી પછી બનાવટી નોટો અને શંકાસ્પદ વહેવારો બાબતના આંકડા પહેલી વખત બહાર આવ્યા છે. આમાં બધી જ બેંકોનો સમાવેશ થાય છે. બેંકો સમેત નાણાંકીય સંસ્થાઓએ શંકાસ્પદ વહેવારોના જે રિપોર્ટ તૈયાર કર્યા છે એ ૪.૭૩ લાખ થવા જાય છે. ફાઈનાન્સિયલ ઈન્ટેલિજન્સ યુનિટ જે બનાવટી ચલણી નોટો અને શંકાસ્પદ વહેવારોનું પૃથ્થકરણ કરે છે. એમણે અહેવાલ આપ્યું છે કે, બેંકોમાં અને અન્ય નાણાંકીય ચેનલોમાં ર૦૧૬-૧૭ના વર્ષમાં બનાવટી નોટોના વહેવારોના ૩.રર લાખ પ્રસંગો બન્યા હતા. બનાવટી ચલણી નોટોના રિપોર્ટો જે ર૦૧પ-૧૬ના વર્ષમાં ૪.૧૦ લાખ બની હતી એ ર૦૧૬-૧૭ના વર્ષમાં ૭.૩૩ લાખ બની હતી જેનું પણ સંબંધ નોટબંધી સાથે છે. ર૦૦૮-૦૯ના વર્ષથી આ પ્રકારના રિપોર્ટ બનાવવામાં આવે છે. આ વર્ષે બનાવેલ રિપોર્ટ સૌથી વધુ છે. આ રિપોર્ટો નાણાંકીય વહેવારોના આધારે બનાવાય છે. જ્યારે બનાવટી ચલણ પકડાય છે ત્યારે આ રિપોર્ટ બનાવવામાં આવે છે. જ્યારે બેંકોને નાણાંકીય વહેવારો શંકાસ્પદ જણાય છે ત્યારે એનો રિપોર્ટ બનાવીને મોકલાવે છે. બેંકોના ખાતાઓમાં રોકડ જમા અને ઉપાડમાં અતિશય વધારો થવાથી બેંકોને આ વહેવારો શંકાસ્પદ જણાય છે. આ વહેવારોમાં પણ ૪૦૦ ટકાનો વધારો ૧૬-૧૭ના વર્ષમાં નોંધાયો છે. નોટબંધી પછીના નોંધાયેલ શંકાસ્પદ નાણાંકીય વહેવારોનો સંબંધ ત્રાસવાદને ભંડોળ આપવા સામે હોઈ શકે છે.

About author

Articles

"VOICE OF TRUE JOURNALISM"
    Related posts
    National

    રાજકોટ પછી દિલ્હીની હોસ્પિટલ સળગી, ૭ નવજાતનાં મોત

    દિલ્હીની વિવેકવિહારમાં આવેલી ન્યુ…
    Read more
    NationalPolitics

    ‘‘મારો દીકરો તમને સોંપું છું’’ : રાયબરેલીમાં સોનિયાની ભાવુક અપીલ

    રાયબરેલીમાં સોનિયા ગાંધી સાથે…
    Read more
    National

    બુરખો પહેરેલી પ્રશંસકને ગળેભેટવાનું શાહરૂખ ખાને ટાળી લોકોના દિલ જીત્યાં, વીડિયો વાયરલ થયો

    (એજન્સી) તા.૧૭બોલિવૂડ સુપરસ્ટાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.