National

પાકિસ્તાનના વડાપ્રધાન પર પૂર્વ પેસ બોલરનો આક્ષેપ ઈમરાનખાન કોકેનનું સેવન કરતા હતાઃ સરફરાઝ નવાઝ

 

(એજન્સી)
ઈસ્લામાબાદ, તા.૩
પાકિસ્તાનના ભૂતપૂર્વ ઝડપી બોલર સરફરાઝ નવાઝે પાકિસ્તાનના હાલના વડાપ્રધાન અને પૂર્વ ક્રિકેટર ઇમરાનખાન પર એક ગંભીર આરોપ લગાવ્યો છે. સરફરાઝે દાવો કર્યો છે કે ઇમરાન ખાન કોકેન લેતા હતા. સરફરાઝના આ સનસનીખેજ આરોપનો એક વીડિયો હાલ સોશિયલ મીડિયા પર જબરદસ્ત રીતે વાયરલ થયો છે. આપને જણાવી દઈએ કે સરફરાઝ ૧૯૭૦ અને ૮૦ના દાયકામાં પાકિસ્તાનના ઝડપી બોલર હતા અને તેમણે ઇમરાનખાન સાથે ઘણી ક્રિકેટ રમી હતી. સરફરાઝે એમ પણ કહ્યું કે જો ઇમરાન ખાન તેમના દાવાને ખોટો સમજે તો તેઓ તેમને કોર્ટમાં પડકારી શકે છે. ઉલ્લેખનીય છે કે પાકિસ્તાની ક્રિકેટરો પર ડ્રગ્સ લેવાના આરોપ આ પહેલા પણ લાગતા રહ્યા છે. સરફરાઝ નવાઝના વાયરલ વીડિયોમાં ૧૯૮૭માં રમાયેલ એક મેચનો ઉલ્લેખ કરવામાં આવ્યો છે. જે ઇંગ્લેન્ડ અને પાકિસ્તાન વચ્ચે રમાઈ હતી. આ મેચમાં ઇમરાન ખાનનું પ્રદર્શન ખરાબ રહ્યું હતું. એ ઘટનાને યાદ કરી નવાઝે કહ્યું કે ઇસ્લામાબાદમાં ઇમરાન ખાન તેમના ઘરે આવ્યા હતા અને તે દરમિયાન ઇમરાન ખાને ડ્રગ્સ લીધું હતું. મીડિયા રિપોર્ટ મુજબ તેમણે કહ્યું કે ઇમરાન ખાને ૧૦-૨૦ રૂપિયાની નોટમાં કોકેન નાંખીને લીધું હતું અને ભાંગને સૂકાવવીને તેની ચરસ પણ બનાવતા હતા. તે સમયે તેમના ઘરે મોહસિન ખાન, અબ્દુલ કાદિર અને સલીમ મલિક પણ હતા. જમ્યા બાદ ઇમરાન ખાને ચરસ પીધું હતું.

About author

Articles

"VOICE OF TRUE JOURNALISM"
    Related posts
    NationalPolitics

    દિલ્હી હાઈકોર્ટે કેજરીવાલની ધરપકડ સામેની અરજી ફગાવી

    કેજરીવાલની ધરપકડ માટે ઇડી પાસે પૂરત…
    Read more
    National

    અરવિંદ કેજરીવાલની કસ્ટડીમાં ૪ દિવસનો વધારો

    એક અઠવાડિયાના રિમાન્ડ પછી ગુરૂવારે…
    Read more
    NationalPolitics

    કેજરીવાલને ૬ દિ’ના રિમાન્ડ, AAP દેશવ્યાપી વિરોધ કરશે

    કેજરીવાલની ધરપકડ સામે સુપ્રીમ…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.