Ahmedabad

પાલડી ચાર રસ્તા ખાતે મુસ્લિમો પર હુમલા કરનારા કાર્યકરો સામે પગલાં ભરો

અમદાવાદ, તા.૧૭
વિહિપના નેતા પ્રવિણ તોગડિયા લાપતા બન્યા બાદ વિહિપના કાર્યકરોએ પાલડી ચાર રસ્તા ખાતે દેખાવો કરી રસ્તા પરથી પસાર થતાં નિર્દોષ મુસ્લિમ શખ્સને મારી વાહનોને નુકસાન પહોંચાડ્યું હતું. આ ઘટનાના વિરોધમાં અલ્પસંખ્યક અધિકાર મંચ, ગુજરાત દ્વારા ગતરોજ જિલ્લા કલેક્ટરને આવેદનપત્ર પાઠવી દોષિતો સામે કાયદેસરના પગલાં ભરવા માગણી કરવામાં આવી હતી. અમદાવાદ કલેક્ટરને પાઠવેલા આવેદનપત્રમાં અલ્પસંખ્યક અધિકાર મંચ ગુજરાતના એડવોકેટ શમશાદ પઠાણે જણાવ્યું હતું કે, પાલડી ચાર રસ્તા ખાતે ૧૫/૧/૧૮ના રોજ વિહિપના કાર્યકરો દ્વારા ચક્કાજામ કરવામાં આવ્યું હતું. આ સમયે ત્યાંથી એક્ટિવા લઈ પસાર થતાં દાઢી ધરાવતા મુસ્લિમ વૃદ્ધને માર મારી એક્ટિવાને નુકસાન પહોંચાડ્યું હતું. ઉપરાંત મુસ્લિમોની બે રિક્ષાના કાચ પણ તોડી નાખવામાં આવ્યા હતા. આ તબક્કે ત્યાં હાજર પોલીસે દરમિયાનગીરી કરી મુસ્લિમોને વિહિપના કાર્યકરોના ટોળામાંથી બચાવ્યા હતા. જેનું સ્થાનિક ઈલેક્ટ્રોનિક મીડિયામાં કવરેજ પણ બતાવવામાં આવ્યું હતું. આ સમગ્ર ઘટના ક્રમમાં મુસ્લિમોની કોઈપણ પ્રકારની પ્રત્યક્ષ કે પરોક્ષ ભૂમિકા ન હોવા છતાં નિર્દોષ મુસ્લિમો સાથે આચરવામાં આવેલી હિંસાથી સમાજમાં ભય અને ધૃણાની લાગણી ઊભી થઈ છે. આ ઘટના પાલડી લાગણી ઊભી થઈ છે. આ ઘટના પાલડી ચાર રસ્તા ઉપર લગાવવામાં આવેલા સીસીટીવી કેમેરામાં પણ કેદ થઈ છે. આથી તેના આધારે વિહિપના કાર્યકરોની તાત્કાલિક ધરપકડ કરી તેમની સામે કાયદેસર પોલીસ ફરિયાદ કરી પગલાં ભરવા, મુસ્લિમ ઈજાગ્રસ્ત અને નુકસાન પામેલા વાહનચાલકોને વળતર આપવા તથા અલ્પસંખ્યક સમુદાયોની સુરક્ષા સુનિશ્ચિત કરવા માગણી કરવામાં આવી છે. જો દોષિતો સામે કાયદેસરના પગલાં ભરવામાં નહીં આવે તો આંદોલન કરવામાં આવશે. તેવી ચીમકી ઉચ્ચારવામાં આવી છે.

About author

Articles

"VOICE OF TRUE JOURNALISM"
    Related posts
    AhmedabadReligion

    જુહાપુરામાં રહેતા મધુબેનનું અવસાન થતાં મુસ્લિમસમુદાયે અંતિમવિધિમાં સામેલ થઈ કોમી એકતા દર્શાવી

    મધુબેન છેલ્લા પ૦ વર્ષથી કોઈપણ…
    Read more
    AhmedabadSports

    રાશિદ ખાને તોડ્યો મો.શમીનો રેકોર્ડ, GT માટે સૌથી વધારે વિકેટ લેનાર બોલર બન્યો

    અમદાવાદ, તા.૧અફઘાનિસ્તાનના સ્ટાર…
    Read more
    AhmedabadSports

    અમદાવાદ ખાતે ગુજરાત ટાઈટન્સ અને…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.

    1 Comment

    Comments are closed.