International

બાઈડેન જેરૂસલેમમાં અમેરિકી દૂતાવાસને યથાવત્‌ રાખશે પણ જુદા પેલેસ્ટીની રાજ્ય માટે પણ પ્રયાસ કરશે

(એજન્સી) તા.ર૧
નવા રાષ્ટ્રપતિ તરીકે ચૂંટાયેલા જો બાઈડેનનું વહીવટીતંત્ર જેરૂસલેમમાં અમેરિકી દૂતાવાસને રાખશે, સેનેટ કન્ફર્મેશન હિયરિંગ ખાતે બાઈડેનના રાજ્ય સચિવ પદ માટેના ઉમેદવાર ગઈકાલે એમ જાહેરાત કરી હતી. ટેકસાસના રિપબ્લિકન સેનેટર ટેડ ક્રુઝે પૂછ્યું કે શું તમે સંમત થાઓ છો કે જેરૂસલેમ ઈઝરાયેલનું પાટનગર છે અને શું તમે વચન આપો છો કે યુએસ જેરૂસલેમમાં અમારૂં દૂતાવાસ રાખશે ? વિદાય લેતા યુએસના રાષ્ટ્રપતિ ટ્રમ્પની મુખ્ય વિદેશ નીતિના નિર્ણયોમાંથી એકની જાળવણી કરતા એન્થોની બ્લિંકેને જવાબ આપ્યો, હા, હા. ર૦૧૮માં ટ્રમ્પે અમેરિકી દૂતાવાસને તેલ-અવિવથી જેરૂસલેમમાં ખસેડી દીધું હતું. દાયકાઓ સુધીની આંતરરાષ્ટ્રીય સર્વસંમતિ વિરૂદ્ધ એક મુખ્ય વિદેશ નીતિ તરીકે આ પગલું ભરવામાં આવ્યું હતું. જેનાથી ઈઝરાયેલી આગેવાનો ખુશ થઈ ગયા છે અને સ્પર્ધાત્મક જેરૂસલેમને ઈઝરાયેલના પાટનગર તરીકે માન્યતા આપીને પેલેસ્ટીનીઓને નારાજ કર્યા છે. આંતરરાષ્ટ્રીય સમુદાયે હજુ સુધી જેરૂસલેમને ઈઝરાયેલના પાટનગર તરીકે માન્યતા આપવાનું રોકી રાખ્યું છે. તદુપરાંત બ્લિંકેને સંકેત આપ્યા હતા કે બાઈડેન એક જુદા પેલેસ્ટીની રાજ્ય માટે વધુ પ્રયાસ કરશે પરંતુ એમાં સાથે સાથે મુશ્કેલીઓ પણ છે. તેમણે એમ પણ કહ્યું હતું કે તેઓ બહિષ્કારો દ્વારા ઈઝરાયેલ પર દબાણ લાવવા માટેના અભિયાનોનો વિરોધ કરે છે અને આ મુદ્દાનો ઉકેલ લાવવાનો એકમાત્ર રસ્તો એ કહેવાતું દ્વિ-રાજ્ય સમાધાન છે. તેમણે ઉમેરતા કહ્યું કે જ્યાં સુધી મારૂં માનવું છે, આ મુદ્દા પર આગળ વધવાની શક્યતાઓને જોવી મુશ્કેલ છે.

About author

Articles

"VOICE OF TRUE JOURNALISM"
    Related posts
    International

    ઇઝરાયેલ ઇરાદાપૂર્વક ગાઝાના બાળકોને ભૂખથી મારી રહ્યું છે : HRW એ ચેતવણી આપી

    (એજન્સી) ગાઝા, તા.૧૦હ્યુમન રાઇટ્‌સ વોચ…
    Read more
    International

    ઈદ અલ-ફિત્રના પ્રથમ દિવસે પણ ઈઝરાયેલના ગાઝા પર હવાઈ હુમલા જારી

    (એજન્સી) ગાઝા, તા.૧૦બુધવારે મુસ્લિમોના…
    Read more
    International

    ૬૦,૦૦૦થી વધુ પેલેસ્ટીનીઓએ અલ-અક્સામસ્જિદમાં ઇદ-ઉલ-ફિત્રની નમાઝ અદા કરી

    (એજન્સી) તા.૧૦૬૦ હજારથી વધુ…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.