Gujarat

બારડોલી લોકસભા બેઠક પર કોંગ્રેસના ઉમેદવાર તરીકે ડો.તુષાર ચૌધરીએ ઉમેદવારી નોંધાવી

(સંવાદદાતા દ્વારા) સુરત,તા.૨
સુરત જિલ્લાની બારડોલી લોકસભા બેઠક માટે કોંગ્રેસના ઉમેદવાર પૂર્વ કેન્દ્રીય મંત્રી ડો. તુષાર ચૌધરી દ્વારા વ્યારા જુના બસ સ્ટેન્ડ ખાતે સભાને સંબોધન કર્યા બાદ વિશાળ રેલી કલેક્ટર કચેરી પહોંચી ઉમેદવારી નોંધાવી હતી.
બારડોલી લોકસભા બેઠક માટે ભાજપ દ્વારા સાંસદ પ્રભુ વસાવાને રિપીટ કરવામાં આવ્યા છે. જ્યારે કોંગ્રેસ દ્વારા પૂર્વ કેન્દ્રીય મંત્રી ડો.તુષાર ચૌધરીને ત્રીજી વખત ઉમેદવાર ઘોષિત કરવામાં આવ્યા છે. આજે ડો.તુષાર ચૌધરી દ્વારા વ્યારા જુના બસ સ્ટેન્ડ ખાતે દક્ષિણ ગુજરાત અને પ્રદેશના કોંગ્રેસી આગેવાનોની ઉપસ્થિતિ વચ્ચે સભાને સંબોધન કર્યું હતું. પ્રદેશમાંથી અર્જુન મોઢવડીયા, ઈમરાન ખેડાવાલા, માજી મેયર કદીર પીરઝાદા, ધારાસભ્ય આનંદ ચૌધરી ઉપસ્થિત રહ્યાં હતા. જ્યારે દક્ષિણ ગુજરાતમાંથી પણ કોંગ્રેસના અગ્રણીઓ હાજર રહ્યાં હતા. આ પ્રસંગે ડો.તુષાર ચૌધરીએ સભાને સંબોધન કરતા જણાવ્યું હતું કે ક્રિકેટર મેચ પૂરી થયા બાદ બેટ મૂકી દે છે. હેલમેટ મૂકી દે છે. ગ્રાઉન્ડ છોડી દે છે. પેડ છોડી દે છે પરંતુ મે હજુ સુધી પેડ છોડ્યા નથી. હું ફરી મેદાનમાં ઉતરી મેચ રમવાનો છું. ગત વખતે લોકસભા ચૂંટણી હારી ગયો હોવા છતાં સોનીયા, રાહુલ તેમજ કેન્દ્રીય નેતાગીરી દ્વારા મારી ઉપર જે વિશ્વાસ મુક્યો છે તેને સાબિત કરવા માટે હું તમારી મદદથી બમણા જોર સાથે ચૂંટણી લડીશ.વ્યારા બસ સ્ટેન્ડ ખાતે સભા પૂર્ણ થયા બાદ ડો.તુષાર ચૌધરી ખુલ્લી જીપમાં બેસીને હજારો કાર્યકર્તા સમર્થકોના કાફલા સાથે રેલી કાઢી હતી. વ્યારા કલેક્ટર કચેરી સુધી રેલીમાં પદાધિકારીઓ, કાર, બાઈક અને અન્ય વાહનોમાં જાડાયા હતા. જ્યારે કાર્યકરો પગપાળા પણ રેલીમાં હાજર રહ્યાં હતા. રેલી દરમિયાન ડો.તુષાર ચૌધરીનું ઠેર ઠેર સ્વાગત કરવામાં આવ્યું હતું. જિલ્લા કલેક્ટર સમક્ષ ડો.તુષાર ચૌધરી દ્વારા બારડોલી બેઠક માટે પોતાની ઉમેદવારી ફોર્મ રજૂ કર્યો હતો.

About author

Articles

"VOICE OF TRUE JOURNALISM"
    Related posts
    Crime DiaryGujarat

    રાજકોટનો ગેમઝોન ભયંકર આગમાં બન્યો મોતનો ઝોન : ર૮નાં કરૂણ મોત

    માત્ર એક કલાકમાં જ ર૪ જેટલા મૃતદેહો…
    Read more
    Gujarat

    હિંમતનગરના ગામડી પાસે નેશનલ હાઈવે પર વાહનની ટક્કરે વ્યક્તિનું મોત ઉશ્કેરાયેલા લોકોએ હાઈવે બ્લોક કર્યો પોલીસ પર પથ્થરમારો કરી વાનને આગ ચાંપી

    ટોળાને વિખેરવા ટીયરગેસના ૧ર૦થી વધુ…
    Read more
    AhmedabadGujarat

    વૃક્ષો જ નહીં હોય ત્યાં તીવ્ર ગરમીમાં ક્યાં જઈશું ?

    રાજ્યમાં હાલ તીવ્ર ગરમીનો માહોલ છે.
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.