Gujarat

ભાજપ અગ્રણી દ્વારા હળવદના પી.આઈ. ઉપર કાર ચડાવવાનો પ્રયાસ

(સંવાદદાતા દ્વારા)
મોરબી, તા.૧૩
હળવદમાં બે દિવસ પહેલા પીઢ ભાજપના આગેવાનને પોલીસ સાથે માથાકૂટ થઈ હોય તેનો ખાર રાખીને અન્ય ભાજપ અગ્રણીએ હળવદના પીઆઇ ઉપર કાર ચડાવવાનો પ્રયાસ કરીને હત્યાની કોશિશ કર્યાની ફરિયાદ નોંધાઇ છે.
આ બનાવની હળવદ પોલીસ મથકે નોંધાયેલી ફરિયાદ મુજબ હળવદ પોલીસ મથકના પીઆઇ સંદીપ ખાંભલા સહિતનો સ્ટાફ હળવદની સરા ચોકડી પાસે લોકડાઉનની ફરજમાં હતો. તે સમયે કડીયાણા ગામના અને ભાજપ અગ્રણી અશોકસિંહ જાડેજા ત્યાંથી પોતાની કાર લઈને નિકળા હતા અને ફરજમાં રહેલા પીઆઇ ઉપર પોતાની કાર ચડાવવાનો પ્રયાસ કર્યો હતો. જેથી, પીઆઇ પડી ગયા હતા. બાદમાં કાર લઈને ભાજપ અગ્રણી નાસી છૂટ્યા હતા.
આથી, પીઆઈએ તેમના વિરૂદ્ધ ફરિયાદ નોંધાવી હતી કે બે દિવસ પહેલા ભાજપના કાર્યકર રવજીભાઈ દલવાડીને પોલીસે સાથે માથાકૂટ થઈ હોય જેનો ખાર રાખી આરોપીએ પોલીસ કર્મચારીઓ સાથે ગેરવર્તન કરી તમે હળવદ પોલીસ મથકમાં નોકરી કરો છો ને હું તમને જોઈ. લઈશ તેવી ધમકી આપી ધક્કો મારી પાડી દઈ પોલીસની ફરજમાં રૂકાવટ કરીને આરોપી અશોકસિંહએ પોતાની કારને સ્પીડમાં ચલાવી ફરજમાં રહેલા પોલીસ સ્ટાફ ઉપર મારી નાખવાના ઇરાદે ચડાવી લેવાનો પ્રયાસ કરીને નાસી છૂટ્યા હોવાનું ફરિયાદમાં જણાવ્યું હતું. હળવદ પોલીસે ભાજપ અગ્રણી અશોકસિંહ સામે હત્યાની કોશિશ કર્યાનો ગુનો નોંધી વધુ તપાસ હાથ ધરી છે.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.