Gujarat

મંજૂર થયેલી નવી લાઈન નાંખવામાં પાલિકાને રસ નથી વઢવાણના અબોલપીર ચોક દરગાહ વિસ્તારમાં ૬ માસથી પીવાનું પાણી ગંદુ આવતા હોબાળો

(સંવાદદાતા દ્વારા)
વઢવાણ, તા.૩૧
વઢવાણ શહેરના અબોલપીર ચોક દરગાહ પાસેના વિસ્તારમાં છેલ્લા છ માસથી પીવાના પાણીની મુખ્ય લાઇન સાથે ગટરોના પાણીની લાઇન ભળી જતા આ આખાય વિસ્તારમાં છેલ્લા છ માસથી ઘરે ઘરે અપાતુ નળવાટે પાણીમાં ગટરોના મિશ્રણવાળું પાણી આપવામાં આવી રહ્યું છે. ત્યારે અનેકવાર રજૂઆતો પણ કરવામાં આવેલ હોવા છતાં પણ આ વિસ્તારમાં પુરતું ધ્યાન આપવામાં આવતુ ન હોવાના કારણે મહિલાઓમા ભારે દેકારો સર્જાવા પામ્યો છે. વઢવાણ શહેરમાં કોંગ્રેસ શાસનમાં નગર પાલીકામા બેઠી ત્યારે સૌથી વધુ મતોથી આ વોર્ડમાં ભાજપની પેનલ જીત મેળવી હતી અને આ વિસ્તારમાં બે મહિલા અને બે યુવકો કોર્પોરેટર બન્યા જંગી લીડથી છતાં આ વિસ્તારના એકપણ કામો છેલ્લા પાંચ વર્ષમાં થયા જ નથી. અઢી વર્ષ બાદ ભાજપ ભાલદોડ કરી અને નગરપાલિકા ઉપર કબ્જો મેળવ્યો ત્યારે હાલમાં ભાજપ શાસિત નગર પાલિકા હોવા છતાં પણ કામોને પ્રાધાન્ય ન આપવામાં આવી અને વઢવાણ નગર પાલિકાનો માચડો વેરવિખેર કરી અને સુરેન્દ્રનગર-દુધરેજ નગર પાલિકા સાથે ભેળવી દેવામાં આવ્યો. કામો ઠેરના ઠેરજ રહ્યા.
વઢવાણના અબોલપીર ચોક દરગાહ વિસ્તારમાં છેલ્લા છ માસથી ગટરોના પાણી પાઇપ લાઇનમાં ભળી જતા અબોલપીર ચોક વિસ્તારમાં ઘરે ઘરે દુર્ગંધયુકત પાણીનું વિતરણ થતા ભારે દેકારો સર્જાયો છે. ત્યારે ઇજનેરો છેલ્લા ૧પ દિવસથી આડેધડ ખાડા ખોદી નાખ્યા છે. પાઇપ લાઇનમાં ફોલ્ટ શોધવામાં સદંતર પણે નિષ્ફળ નીવડયા છે. ત્યારે લતામાં દેકારો બોલતા મહિલાઓ દ્વારા ઇજનેરોનો ઉધડો લેવાતા ઇજનેરે જણાવ્યું હતું કે આ તો જૂની જ લાઇન છે. નવી લાઇન છેલ્લા કેટલાય સમયથી આ વિસ્તારની મંજૂર થયેલી પડી છે. છતાં પણ કામગીરી કરતા નથી અને અમોને પણ જુની લાઇન તપાસ કરવાના આદેશો આપી તપાસ માટે માણસો સાથે મોકલી આપે છે. અને ફોલ્ટ મળતો નથી અમે પણ ભારે પરેશાન થઇ ગયા છીએ તેવું ઇજનેરો એ જણાવ્યું હતું.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.