Gujarat

મચ્છુ-ર સિંચાઈ યોજનાના કેનાલના કામમાં બેદરકારીની તપાસની માંગ

(સંવાદદાતા દ્વારા) મોરબી, તા.ર
મોરબીમાં મચ્છુ-૨ સિંચાઇ યોજનાના કેનાલના કામમાં ગુનાહિત બેદરકારી તેમજ ભ્રષ્ટાચારની તપાસ કરવાની માંગ ઇન્ટરનેશનલ હ્યુમન રાઇટ્‌સ એસોસિએશનના જનરલ સેક્રેટરી કાંતિલાલ ડી. બાવરવા દ્વારા મુખ્યમંત્રી વિજય રૂપાણીને લેખિત અરજી દ્વારા કરી છે.
આ રજૂઆતમાં જણાવ્યા અનુસાર મોરબી જિલ્લાની મચ્છુ-૨ સિંચાઇ યોજનાની કેનાલને લિફ્ટ ઇરિગેશનમાં તબદીલ કરવાની કામગીરી સરકાર દ્વારા કરવામાં આવી રહી છે. જે કામ ઘણા સમયથી ચાલી રહ્યું છે. જે કામની ગતિ ખૂબ જ ધીમી છે જેના કારણે ખેડૂતો પરેશાન છે. આ ધીમી ગતિ શા કારણે છે ? તેના માટે જવાબદાર કોણ છે ? તેની તપાસ કરાવીને જવાબદાર સામે કાયદેસરના પગલાં લેવાં માગણી કરાઈ છે. જો સરકાર દ્વારા યોગ્ય પગલાં નહીં લેવામાં આવે તો કોર્ટમાં જાહેરહિતની અરજી કરવાની ફરજ પડશે, તેવી ચીમકી આપી છે. તેમજ આ કેનાલના કામમાં મોટાપાયે ભ્રષ્ટાચાર થતો હોવાની ચર્ચા છે, તો આની તપાસ કરાવીને જવાબદારો સામે કાયદેસરના પગલાં ભરવા પણ માગણી કરાઈ છે.
વધુમાં, આ કામ પૂર્ણ ન થવાના કારણે ચાલુ સિઝનમાં રવીપાકનું વાવેતર થઈ શકેલ નથી જેના કારણે આ કેનાલના કમાન્ડ વિસ્તારના ખેડૂતોને મોટું આર્થિક નુકસાન જવા પામેલ છે. તેમજ રાષ્ટ્રને ઉત્પાદનમાં પણ ખોટ આવેલ છે અને હજુ પણ ઉનાળુ સિંચાઇ થાય તેવું પણ લાગતું નથી, તો આના માટે જવાબદારોની જવાબદારી નક્કી કરીને તેના વિરૂદ્ધ કાયદેસરના પગલાં લેવા માગણી કરાઈ છે.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.