National

મરતા-મરતા ‘રાવણે’ બચાવ્યા લોકોના જીવ, પાછળ છોડી ગયો વિધવા મા, પત્ની અને ૮ મહિનાનો પુત્ર

(એજન્સી) અમૃતસર, તા.ર૦
અમૃતસરમાં દશેરાના દિવસે એક મોટી ટ્રેન દુર્ઘટના થઈ. આ દરમિયાન રામલીલા જોવા આવેલા અનેક લોકોને બે ટ્રેનોએ પોતાના શિકાર બનાવ્યા હતા. કોઈ પોતાના બાળકોની સાથે આ મેળામાં પહોંચ્યું હતું તો કોઈ પોતાના માતા-પિતાની સાથે અહીં રાવણ દહન જોવા આવ્યા હતા. પરંતુ તેમને ખબર ન હતી કે આ તેમના જીવનની અંતિમ રામલીલા હશે અને રાવણ વધની સાથે-સાથે તેઓ પોતાનો પણ જીવ ગુમાવી દેશે. ત્યાં આ દુર્ઘટનાની ચપેટમાં ના માત્ર દર્શકો જ પરંતુ પોતે રાવણનું પાત્ર ભજવી રહેલા દલબીરસિંહ પણ આવી ગયા, લોકોનો જીવ બચાવતા-બચાવતા દલબીરસિંહ પોતાનો જીવ પણ ગુમાવી બેસ્યા. દુર્ઘટનાની થોડીક મિનિટ પહેલાં જ તેઓ રામલીલા સમાપ્ત કરીને પોતાના ઘર ૮ માસના પુત્રને મળવા નીકળ્યા હતા. પરંતુ પાટા પર પહોંચતા જ તેમને ટ્રેનના આવવાનો અવાજ સંભળાયો અને ઘર ના જતા ત્યાં હાજર લોકોને હટાવવા લાગ્યા. પરંતુ તેમને જાણ ન હતી કે તેઓ દુર્ઘટનામાં પોતાનો જીવ પણ બચાવી શકશે નહીં. ર૪ વર્ષનો બદલબીરસિંહ આ વર્ષે પોતાની સોસાયટીની રામલીલામાં રાવણનું પાત્ર ભજવી રહ્યો હતો. દશેરાના દિવસે જ્યારે દુર્ઘટના થઈ તે સમયે તે રામલીલાથી નીકળીને પાટા પાસેથી પોતાના ઘર જઈ રહ્યો હતો. ત્યારે તેમણે જલંધરથી પૂરઝડપે આવતી ટ્રેન જોઈ અને તેઓ દોડીને લોકોને હટાવવા લાગ્યા. બૂમો પાડીને પાટા તરફ ભાગ્યા પરંતુ તેઓ પોતે ટ્રેનના શિકાર થઈ ગયા. તેમની માતાનું કહેવું છે કે તેમના પુત્ર દલબીરે ખૂબ જ હિંમતનું કામ કર્યું છે. દલબીર તેની પાછળ તેની વિધવા માં, તેની પત્ની અને ૮ માસનો પુત્ર છોડી ગયો છે. દલબીરના પરિવારની માગ છે કે દલબીરની પત્નીને સરકારી નોકરી મળે અને દુર્ઘટના માટે જવાબદાર લોકોને સજા આપવામાં આવે.

About author

Articles

"VOICE OF TRUE JOURNALISM"
    Related posts
    NationalPolitics

    ‘‘મારો દીકરો તમને સોંપું છું’’ : રાયબરેલીમાં સોનિયાની ભાવુક અપીલ

    રાયબરેલીમાં સોનિયા ગાંધી સાથે…
    Read more
    National

    બુરખો પહેરેલી પ્રશંસકને ગળેભેટવાનું શાહરૂખ ખાને ટાળી લોકોના દિલ જીત્યાં, વીડિયો વાયરલ થયો

    (એજન્સી) તા.૧૭બોલિવૂડ સુપરસ્ટાર…
    Read more
    NationalPolitics

    ૧૦ રાજ્યો, કેન્દ્રશાસિત પ્રદેશોમાંEVMસ્ની ફરિયાદો વચ્ચે એકંદરે શાંતિપૂર્ણ મતદાન ચોથા તબક્કામાં ૯૬ બેઠકો માટે ૬૨ ટકાથી વધુ મતદાન

    પશ્ચિમ બંગાળમાં સૌથી વધુ ૭૫ ટકા અને…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.