National

મહાડની તારિક ગાર્ડન ઇમારત સોમવારે પત્તાના મહેલની જેમ ખરી પડી હતી મહારાષ્ટ્રની ઇમારત ધરાશાયી થવાની ઘટનામાં મૃત્યુઆંક ૧૧ પર પહોંચ્યો

 

(એજન્સી) રાયગઢ, તા. ૨૫
મહારાષ્ટ્રના રાયગઢ જિલ્લાના મહાડમાં સોમવારે મોડી સાંજે એક પાંચ માળની ઇમારત ધરાશાયી થઇ હતી જેમાં અત્યારસુધી ૧૧ લોકો મોતને ભેટ્યા છે જ્યારે અનેક ઘાયલોને બહાર કઢાયા છે. જોકે, ઘટનાને ૨૪ કલાક વીતી ગયા છતાં હજુ બચાવ કામ ચાલુ છે. મંગળવારે બપોર બાદ બે મૃતદેહ બહાર કઢાયા હતા અને અત્યારસુધી ૬૦થી વધુ લોકોને બચાવી લેવાયા છે તેમ અધિકારીએ જણાવ્યું હતું. એનડીઆરએફની ત્રણ ટીમો તથા ફાયરબ્રિગેડની ૧૨ ટીમો હજુ પણ ઘટનાસ્થળે છે. સાતથી ૧૦ વર્ષ પહેલા બાંધવામાં આવેલી પાંચ માળની ઇમારતમાં ૪૫ ફ્લેટ હતા.
મંગળવારે બપોરે બચાવ અધિકારીઓએ કાટમાળમાંથી એક ચાર વર્ષના બાળકને જીવતો બહાર કાઢ્યો હતો. આ બાળક જીવતો મળી આવ્યાના વીડિયોમાં લોકો ખુશી મનાવતા નજરે પડે છે. મંગળવારે સવારે વડાપ્રધાન નરેન્દ્ર મોદીએ કહ્યું હતું કે, રાયગઢના મહાડમાં ઇમારત પડી જવાથી દુઃખી છું. જે લોકોએ પોતિકાઓ ગુમાવ્યા છે તેમની સાથે મારી સંવેદના છે. ઇજાગ્રસ્તો વહેલીતકે સાજા થાય તેવી કામના. સ્થાનિક સત્તાવાળા અને એનડીઆરએફ ઘટનાસ્થળે છે અને તેમને તમામ મદદ પુરી પડાશે. મહારાષ્ટ્રના મંત્રી એકનાથ શિંદેએ ઘટનાસ્થળની મુલાકાત લીધી હતી અને કહ્યું હતું કે, બિલ્ડિંગના કોન્ટ્રાકટર યુનુસ શેખની સામે ફરિયાદ દાખલ કરી છે. શિંદેએ કહ્યું કે, આ ઘટના માટે કોન્ટ્રાકટર જવાબદાર હતો. જો કોઇ અધિકારી પણ આમા સામેલ જણાશે તો કડક કાર્યવાહી કરાશે. બચાવ કાર્ય પૂરો થયા પછી તપાસ હાથ ધરાશે. કલેક્ટર નિધિ ચૌધરીએ કહ્યું કે, ડેવલપર અને આર્કિટેક્ટ વિરૂદ્ધ ફરિયાદ દાખલ કરાઇ છે. હજુ પણ કેટલોક સમય કાટમાળમાં શોધખોળ કરવામાં જશે. ગંભીર રીતે ઘાયલ લોકોને હોસ્પિટલ લઇ જવાયા છે.

About author

Articles

"VOICE OF TRUE JOURNALISM"
    Related posts
    National

    મુંબઇમાં સલમાન ખાનના ઘરની બહાર ગોળીબાર : CCTV ફૂટેજમાં શૂટરો મોટરસાઈકલ પર ભાગી જતા દેખાયા

    મુંબઈના બાંદ્રામાં બોલિવૂડ…
    Read more
    NationalPolitics

    દિલ્હી હાઈકોર્ટે કેજરીવાલની ધરપકડ સામેની અરજી ફગાવી

    કેજરીવાલની ધરપકડ માટે ઇડી પાસે પૂરત…
    Read more
    National

    અરવિંદ કેજરીવાલની કસ્ટડીમાં ૪ દિવસનો વધારો

    એક અઠવાડિયાના રિમાન્ડ પછી ગુરૂવારે…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.