Gujarat

માંડવી-મુન્દ્રા વિધાનસભા બેઠક ઉપર ભાજપ-કોંગ્રેસની પ્રતિષ્ઠા દાવ ઉપર

(સંવાદદાતા દ્વારા)
ભૂજ, તા.૨૪
કચ્છના દરિયાકાંઠાની લાંબી ભૂગોળ ધરાવતી માંડવી-મુન્દ્રા વિધાનસભા બેઠક ઉપર ભાજપ-કોંગ્રેસની પ્રતિષ્ઠા દાવ ઉપર લાગી હોય તેમ જણાઈ રહ્યું છે. કોંગ્રેસે પોતાના રાષ્ટ્રીય પ્રવક્તા અને અગ્રણી શક્તિસિંહ ગોહિલને આ બેઠક ઉપર મેદાનમાં ઉતાર્યા છે જ્યારે ભાજપે પોતાના અગ્રણી અને આ બેઠકના વર્તમાન ધારાસભ્ય તારાચંદ છેડાના સ્થાને ક્ષત્રિય અગ્રણી વિરેન્દ્રસિંહ જાડેજાને ટિકિટ આપીને કોંગ્રેસને હરાવવાનો વ્યૂહ ઘડ્યો છે. માંડવી-મુન્દ્રા વિધાનસભા બેઠક ઉપર કુલ ૨,૨૪,૩૪૬ મતદારો નોંધાયા છે. તે પૈકી ક્ષત્રિય મતદારો ૨૧,૯૦૦ છે. ત્યારપછી રાજપૂત ૫,૬૩૪, આહિર ૩,૭૯૦, મુસ્લિમ ૫૦,૪૬૨, દલિત ૩૧,૨૩૩, કોળી, ૩,૩૪૧, લેવા પટેલ ૮,૧૧૪, કડવા પટેલ ૧૬,૭૯૫, રબારી ૪,૫૫૭, ભાનુશાલી ૨,૩૨૯, ગઢવી ૧૬,૫૫૨, લોહાણા ૨,૯૩૯, જૈન ૭,૧૮૧, બ્રાહ્મણ ૧૩,૭૧૯, ગોસ્વામી ૪,૩૪૧, સથવારા ૪,૪૧૫, સિંધી ૯૦, આંજણા પટેલ ૧૦૮, સોની ૨,૩૫૧, સંધાર, ૫,૩૦૧, શીખ ૬૨, દરજી-સુથાર ૩,૨૫૨, અન્ય ઈતર ૧૫,૮૮૦ મતો આ બેઠક ઉપર આવેલા છે. માંડવી અને મુન્દ્રા તાલુકા ઉપરાંત થોડાક ભૂજ તાલુકાના ગામ પણ આ બેઠકમાં સમાવિષ્ટ છે. નવા ચૂંટણી સિમાંકન પછી આ સ્થિતિ છે. તે અગાઉ મુન્દ્રા તાલુકાનો વિસ્તાર આ બેઠક ન હતો. અગાઉ આ વિસ્તારમાંથી ભાજપના પૂર્વ અગ્રણી સુરેશ મહેતા ચૂંટાઈને મુખ્યમંત્રી પદ સુધી પહોંચ્યા હતા. સરકાર હજુ સુધી માંડવી બંદરનો અને માંડવી શહેરનો વિકાસ બહુ કરી શકી નથી. માંડવી ખાતે હવાઈ મથક બનાવવાનું ભાજપ સરકારનું વચન પણ હજુ હવામાં જ ઊડે છે. આ બેઠક ઉપર કોંગ્રેસે શક્તિસિંહ ગોહિલ જેવા લોકપ્રિય પ્રતિનિધિને ઉતારીને ભાજપને પડકાર ઊભો કરી દીધો છે. તેમાં બેમત નથી તો કોંગ્રેસે આ બેઠક જીતવા માટે મરણિયા બનવું પડશે તેવી આક્રમકતા ભાજપ દ્વારા પણ બતાવવામાં આવી રહી છે. માની લોકે ગુજરાતમાં કોંગ્રેસની બહુમતી આવે અને માંડવી બેઠક શક્તિસિંહના રૂપમાં કોંગ્રેસ જીતે તો આ બેઠકનું વજન રાજ્યસ્તરે મહત્ત્વનું બની જશે.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.