Gujarat

મૃતક યુવાન રાજકોટનો હોવાનું બહાર આવ્યું : હત્યા કરાઈ હોવાનો પર્દાફાશ

અમરેલી તા.૨૭
અમરેલીના ગઢની રાંગ પાસેથી ઈજાગ્રસ્ત હાલતમાં મળી આવેલ યુવાનનું સારવાર બાદ રાજકોટ ખાતે મોત નિપજતા આ ઘટનામાં યુવાનની હત્યા થઇ હોવાનું ખુલ્યું હતું મૃતકના ભાઈએ તેના ભાઈને કોઈ અજાણ્યા ઈસમે હથિયાર વડે માથાના ભાગે અને સાથળના ભાગે મારમારી હત્યા કરી હોવાની ફરિયાદ અમરેલી સિટી પોલીસમાં નોંધાવતા પોલીસે તપાસનો ધમધમાટ શરૂ કરેલ છે.
આ અંગે મળતી વિગતો અનુસાર અમરેલીના જુમ્મા મસ્જિદ પાસે મંગળવાર રાત્રીના એક અજાણ્યો યુવાન ઈજાગ્રસ્ત હાલતમાં મળી આવ્યો હતો. પ્રથમ તેને અમરેલી સારવાર આપી વધુ સારવાર માટે રાજકોટ ખસેડતા ત્યાં તેનું સારવારમાં મોત નીપજ્યું હતું. અમરેલી પોલીસે આ બનાવ અંગે અજાણ્યા યુવાન અંગેની તપાસ કરતા તે રાજકોટમાં જ રહેતો મયુર દિનેશભાઇ સાકરીયા જાતે લુહાણા ઉવ-૨૮નો હોવાનું ખુલ્યું હતું. મૃતકના ફોનમાંથી તેના મોટાભાઈ જામનગર ખાતે રહેતા દીક્ષિતભાઈ દિનેશનો મોબાઈલ નંબર મળી આવતા તેને જાણ કરી હતી અને તેઓએ રાજકોટ ખાતે આવી તેના ભાઈની લાશ ઓળખી બતાવી હતી.
આ અંગે અમરેલી સીટી પોલીસને દીક્ષિતભાઈ સાકરીયા એ ફરિયાદ લખાવી હતી કે તેનો ભાઈ મયૂરનો મિત્ર ભાવેશ ગોંડલિયા મળતા તેણે જણાવ્યું હતું કે મયુર તેના મિત્ર બિલાલ સાથે અમરેલી ગયેલ છે અને મયુર જુમ્મા મસ્જિદ પાસે કોઈ કામ અર્થે આવતા તેને કોઈ અજાણ્યા ઈસમે હથિયાર વડે હુમલો કરી માથાના ભાગે તેમજ સાથળના ભાગે ઈજા કરી હત્યા કરી દીધી હોવાની અજાણ્યા ઈસમ સામે ફરિયાદ નોંધાવતા સિટી પીઆઇ ખેર દ્વારા હત્યાં શા માટે અને કોણે કરી છે તે બાબે તપાસ હાથ ધરી છે. ફરિયાદમાં મૃતકના ભાઈએ જણાવ્યું હતું કે, તેનો ભાઈ મયુર ચાર વર્ષથી અલગ રહેતો હતો અને ચાર મહિનાથી રાજકોટ રહેતો હતો અને છૂટક કામ કરતો હોવાનું જણાવ્યું હતું.

About author

Articles

"VOICE OF TRUE JOURNALISM"
    Related posts
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    CrimeGujarat

    કટ્ટરવાદી કાજલ શિંઘાળાએ મુસ્લિમ મહિલાઓ અને મુસ્લિમ સમાજ વિશે અશોભનીય બફાટ કરતા પ્રચંડ રોષની લાગણી

    મુસ્લિમ મહિલાઓની આબરૂ તથા અસ્મિતાનું…
    Read more
    CrimeGujarat

    વિદ્યાર્થીએ ટિકિટ માંગી તો કંડક્ટરે લોહીલુહાણ કર્યોલીંબડી બસ સ્ટેન્ડમાં એસટી બસના કંડક્ટરે વિદ્યાર્થીને માર મારતો વીડિયો વાયરલ

    વિદ્યાર્થીને માથાના ભાગે ઈજા થતાં…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.