Gujarat

મોડાસા નજીક “હિટ એન્ડ રન”નાં બનાવમાં બાઈકસવાર બે પીતરાઈ ભાઈઓનાં મોત

(સંવાદદાતા દ્વારા) મોડાસા, તા. ૬
અરવલ્લી જીલ્લાના મુખ્યમથક મોડાસા શહેરનો બાયપાસ રોડ વાહનચાલકો અને રાહદારીઓ માટે ગોઝારો હોય તેમ અકસ્માતમાં લોકાના મોત નિપજવાના કિસ્સાઓમાં દિનપ્રતિદિન વધારો થઈ રહ્યો છે. મોડાસા બાયપાસ રોડ સહયોગ ચોકડી નજીક આવેલા પશુ દવાખાના નજીક થી પસાર થતા બે યુવાન પિતરાઈ ભાઈની બાઈકને અજાણ્યા વાહને અડફેટે લેતા એક યુવાનનું ઘટનાસ્થળે કમકમાટીભર્યું મોત નીપજ્યું હતું અને અન્ય યુવાનના શરીરે ગંભીર ઈજાઓ પહોંચતા ૧૦૮ ઈમરજંસી એમ્બ્યુલન્સ મારફતે દવાખાને ખસેડાતા સારવાર દરમિયાન મોત નીપજ્યું હતું. અક્સમાતના પગલે દોડી આવેલી મોડાસા ટાઉન પોલીસે બંને મૃતક યુવાનની લાશને પીએમ માટે મોકલી આપી કાયદેસરની કાર્યવાહી હાથધરી હતી. ભિલોડા તાલુકાના ચીભડીયાટા ગામના વણઝારા પરિવારના બંને પિતરાઈ ભાઈ કામકાજ અર્થે મોડાસા નજીક થી પસારથતા હતા ત્યારે અજાણ્યા વાહને પાછળથી ટક્કર મારતા કમકમાટીભર્યું મોત નીપજતા ભારે શોકની લાગણી છવાઈ હતી. ચીભડીયાટા ગામના નગીનભાઈ ફતાભાઈ વણઝારા (ઉં.વ.૨૦) અને બળવંત ભાઈ રત્નાભાઇ વણઝારા (ઉં.વ.૨૫) બંને બાઈક ગાડી.નં.જીજે-૯-પીએન-૧૮૪૫ લઈને મોડાસા કામકાજ અર્થે બાયપાસ રોડ પરથી ગુરુવારે સાંજના સુમારે પસાર થતા હતા. ત્યારે પાછળથી અજાણ્યા વાહનચાલકે પુરઝડપે ગફલતભરી રીતે હંકારી ટક્કર મારતા બંને યુવાનો રોડ પર પટકાતા શરીરે ગંભીર ઈજાઓ પહોંચતા નગીનભાઈ નું ઘટનાસ્થળે મોત નીપજ્યું હતું જયારે બળવંત ભાઈ તરફડીયા ખાતા ૧૦૮ ઈમરજંસી એમ્બ્યુલન્સ મારફતે સારવાર અર્થે દવાખાને ખસેડાતા સારવાર દરમિયાન મોત નિપજતા અક્સમાતના પગલે દોડી આવેલા પરિવારજનોએ ભારે આક્રંદ કરી મુકતા વાતાવરણમાં ગમગીની છવાઈ હતી. મોડાસા ટાઉન પોલીસે રત્નાભાઇ ગોરધનભાઈ વણઝારા (રહે,ચીભડીયાટા) ની ફરિયાદના આધારે અજાણ્યા વાહનચાલક વિરુદ્ધ અક્સમાતે મોત નો ગુન્હો નોંધી ઝડપી પાડવા ચક્રો ગતિમાન કર્યા હતા.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.