Ahmedabad

મ્યુનિ. દ્વારા આગામી સુનાવણી સુધી દબાણ હટાવવાની કામગીરી નહીં કરવાની બાહેંધરી

(સંવાદદાતા દ્વારા) અમદાવાદ, તા.૮
અમદાવાદમાં ગોમતીપુર વિસ્તારમાં દબાણ હટાવવાની પ્રક્રિયાના મુદ્દે અમદાવાદ મ્યુનિસિપલ કોર્પોરેશને હાઇકોર્ટમાં બાંહેધરી આપી છે કે તે આગામી સુનાવણી સુધી આ વિસ્તારમાં દબાણ હટાવવાની કામગીરી કરશે નહીં. આ કેસની વધુ સુનાવણી ૨૦ જાન્યુઆરી ૨૦૨૦ના રોજ હાથ ધરવામાં આવશે. અમદાવાદ મ્યુનિસિપલ કોર્પોરેશને અમદાવાદના ગોમતીપુર વિસ્તારમાં ૧લી અને ૨જી જાન્યુઆરીએ દુકાનો અને ઘર તોડયા હતા. અમદાવાદ મ્યુનિસિપલ કોર્પોરેશનના આ પગલાની સામે પીડિતો એ હાઇકોર્ટમાં અરજી કરી છે. અરજદાર ની રજૂઆત હતી કે તેઓ છેલ્લા સિત્તેર વર્ષથી આ જગ્યા પર રહે છે. જાન્યુઆરી મહિનાના પ્રથમ સપ્તાહમાં અમદાવાદ મ્યુનિસિપલ કોર્પોરેશને કોઈપણ નોટિસ વગર આ વિસ્તારમાં દુકાનો અને ઘર તોડ્યા છે. અરજદાર સમયસર અમદાવાદ મ્યુનિસિપલ કોર્પોરેશનનો વેરો ભરે છે. અમદાવાદ મ્યુનિસિપલ કોર્પોરેશનના આ પગલાં સામે સ્ટે આપો. અમદાવાદ મ્યુનિસિપલ કોર્પોરેશને આ કામગીરી કરતા પહેલા વૈકલ્પિક સુવિધા આપવી જોઈએ. કેસની વિગત જોઈએ તો વર્ષ ૨૦૧૨માં અને વર્ષ ૨૦૧૭માં અમદાવાદ મ્યુનિસિપલ કોર્પોરેશનને આ મિલકત તોડવા માટે નોટિસ આપી હતી. જોકે સ્થાનિક લોકોની રજૂઆત બાદ કોઈપણ પગલાં લેવામાં આવ્યા ન હતા. અમદાવાદ મ્યુનિસિપલ કોર્પોરેશને સારંગપુર બ્રિજ થી કાલીન્દ્રી મસ્જિદ સુધી રસ્તો પહોળો કરવા માટે આ મિલકતને તોડવા નોટિસ આપી હતી.

About author

Articles

"VOICE OF TRUE JOURNALISM"
    Related posts
    AhmedabadCrime

    બાળકોના રમકડાંમાં નશાના સામાનની ડિલિવરી ધો.૧૦-૧રના છાત્રો મંગાવતા હોવાનો ઘટસ્ફોટ !

    અમેરિકાથી અમદાવાદ આવેલ પાર્સલોમાં…
    Read more
    AhmedabadGujarat

    વૃક્ષો જ નહીં હોય ત્યાં તીવ્ર ગરમીમાં ક્યાં જઈશું ?

    રાજ્યમાં હાલ તીવ્ર ગરમીનો માહોલ છે.
    Read more
    Ahmedabad

    અમદાવાદ એરપોર્ટ પર આવી પહોંચતા જ ATSએ તેમની કરી ધરપકડISIS સાથે સંકળાયેલ શ્રીલંકાના ચાર શંકાસ્પદ આતંકવાદીઓને ઝડપી લેવાયા

    ATSના ડીવાયએસપીને ૧૮ મેએ બાતમી મળ…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.