Gujarat

રાજપીપળાની સરકાર સંચાલિત શાળાની ૧પ૦ વિદ્યાર્થિનીઓને ફૂડ પોઈઝનિંગ થયું

(સંવાદદાતા દ્વારા)
રાજપીપળા, તા.૧૧
રાજપીપળા શહેરમાં સરકાર સંચાલિત લો લિટરસીની (એકલવ્ય સ્કૂલ) સ્કૂલની ૧૫૦ વિદ્યાર્થીનીઓને સોમવારે નાસ્તો કર્યા બાદ ફૂડ પોઇઝનિંગની અસર થઈ હતી. બાદ સ્કૂલ સત્તાધીશોએ આ ઘટના મામલે ૧૦૮ અને આરોગ્ય વિભાગને જાણ કરતા તાત્કાલિક ૧૫૦થી વધુ વિદ્યાર્થીનીઓને રાજપીપળા સિવિલ હોસ્પિટલ ખાતે ખસેડાઇ હતી. બાદ તેમને પ્રાથમિક સારવાર અપાઈ હતી.
મળતી માહિતી મુજબ રાજપીપળામાં સરકાર સંચાલિત લો લિટરસીમાં(એકલવ્ય સ્કૂલ) ૩૦૦ જેટલી વિદ્યાર્થીનીઓ હોસ્ટેલની સુવિધા સાથે અભ્યાસ કરે છે. તેમને નિત્યક્રમ મુજબ સોમવારે ચણા અને દુધનો નાસ્તો અપાયો હતો. બાદ એક પછી એક વિદ્યાર્થીનીઓએ સ્કૂલ સંચાલીકાને વોમિટિંગ, માથાનો દુખાવો, પેટ દુખવા અને ચક્કર આવવાની ફરિયાદ કરી હતી. જોત જોતામાં ૧૫૦થી વધુ વિદ્યાર્થીનીઓએ આ ફરિયાદ કરતા સ્કૂલ સંચલિકાએ પ્રથમ ૧૦૮ને અને બાદમાં આરોગ્ય વિભાગને જાણ કરી હતી. બાદ ૪૫થી વધુ વિદ્યાર્થીનીઓને ૧૦૮માં જ્યારે અન્યને જિલ્લા કલેકટર, જિલ્લા આરોગ્ય અધિકારી સહિતના અધિકારીઓની ગાડીમાં રાજપીપળા સિવિલ હોસ્પિટલ સારવાર માટે ખસેડાયા બાદ કુલ ૧૫૦થી વધુ વિદ્યાર્થીનીઓને તાત્કાલિક પ્રાથમિક સારવાર અપાઈ હતી. આ ઘટનાની જાણ થતાં જિલ્લા કલેકટર આર.એસ.નિનામા, જિલ્લા આરોગ્ય અધિકારી, નાંદોદ તાલુકા પંચાયત પ્રમુખ જતીન વસાવા, જિલ્લા પંચાયત વિરોધ પક્ષ નેતા કિરણ વસાવા, ડો.દર્શનાબેન દેશમુખ સહિત અન્ય આગેવાનો રાજપીપળા સિવિલ હોસ્પિટલ ખાતે પહોંચી વ્યવસ્થાઓમાં લાગી ગયા હતા. આ તમામની વચ્ચે સિવિલ હોસ્પિટલમાં જ્યારે વિદ્યાર્થીનીઓને લવાઈ ત્યારે ત્યાં પૂરતો સ્ટાફ હજાર ન હોવાની બૂમો પણ ઉઠી હતી. જો કે પ્રાથમિક સારવાર બાદ તમામ વિદ્યાર્થીનીઓની હાલતમાં સુધારો આવ્યો હોવાનું તથા કોઈની પણ હાલત નાજુક ના હોવાનું ડોકટરોએ જણાવ્યું હતું. સિવિલ હોસ્પિટલમાં જગ્યાના અભાવે મોટે ભાગની વિદ્યાર્થીનીઓને નીચે લોબીમાં સુવડાવી પ્રાથમિક સારવાર અપાઈ હતી.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.