Ahmedabad

રાજ્યભરમાં કોરોનામાંથી અત્યાર સુધી કુલ ૮૬,૦૩૪ દર્દી થયા કોરોનામુક્ત ! કોરોનાના કહેરમાં વધુ નવા ૧૩૩૦ કેસ : રાજ્યના ૧પ લોકોએ કોરોનામાં જીવ ગુમાવ્યા

• રાજ્યમાં કોરોનાના કુલ કેસોનો આંક ૧,૦૫,૬૭૧ : કુલ ૩૧ર૩ લોકો મોતને ભેટ્યા • ર૪ કલાકમાં ૭ર,૬૯૦ કોરોના ટેસ્ટ : નવા ૧ર૭૬ દર્દી થયા સાજા

(સંવાદદાતા દ્વારા)
ગાંધીનગર,તા.૭
રાજયમાં કોરોનાનો કહેર યથાવત રીતે જારી રહેલ છે. સરકાર દ્વારા કોરોના વાયરસને નિયંત્રણમાં લાવવાના પ્રયાસો વચ્ચે પણ રોજેરોજ કોરોનાના પ્રોઝિટિવ કેસોમાં વધારો જોવા મળી રહ્યો છે. રાજયમાં છેલ્લા ર૪ કલાકમાં કોરોનાના વધુ નવા ઉછાળારૂપ ૧૩૩૦ કેસો બહાર આવ્યા છે. જેમાં ર૮૬ કેસો સાથે સુરત આજે પણ ટોપ પર રહેલ છે. જયારે કોરોનામાં મોતનું પ્રમાણ એવરેજ પ્રમાણે જારી રહેતા આજે વધુ ૧પ વ્યકિતઓએ કોરોનામાં જીવ ગુમાવ્યા છે. બીજી તરફ રાજયમાં કોરોનામાંથી સાજા થવાના મામલામાં ભારે વધારો આજે પણ જોવા મળ્યો છે. રાજયમાં વધુ ૧ર૭૬ દર્દીઓ કોરોનામાંથી સાજા થવામાં સફળ રહ્યા છે. જેને પગલે રાજયનો કોરોનાનો રિકવરી રેટ ૮૧.૪ર થવા પામ્યો છે. તો રાજયમાં કોરોના ટેસ્ટમાં વધુ પ્રમાણ સતત જારી રહેતા આજે ૭ર,૬૯૦ ટેસ્ટ કરવામાં આવ્યા હતા.
ભારતમાં કોરોના વાયરસના કેસ ૪૧ લાખને પાર પહોંચી ચૂક્યા છે, ત્યારે હવે ગુજરાતમાં કોરોનાના એક દિવસના અત્યાર સુધીના સૌથી વધુ કોરોનાના કેસ સાથે કુલ આંકડો ૧ લાખને પાર પહોંચી ચુક્યો છે. ગુજરાત આરોગ્ય વિભાગે જાહેર કરેલ આંકડા અનુસાર રાજ્યમાં છેલ્લા ૨૪ કલાકમાં ૧૩૩૦ નવા કોરોનાના કેસ નોંધાયા છે. આ સાથે જ રાજ્યમાં કુલ કેસનો કુલ આંક ૧,૦૫,૬૭૧ પર પહોંચ્યો છે. તો આજે ૧૨૭૬ દર્દીઓ સાજા થયા છે. રાહતની વાત એ છે કે, રાજ્યમાં રિકવરી રેટ ૮૧.૪૨% પર પહોંચ્યો છે. ગુજરાતમાં હાલ એક્ટિવ કેસ માત્ર ૧૬,૫૧૪ છે. આજે સંક્રમણથી ૧૫ દર્દીઓના મોત થતાની સાથે મૃત્યુઆંક ૩૧૨૩ પર પહોંચ્યો છે.
રાજ્યમાં આજે ૧,૨૭૬ દર્દીઓ સાજા થયા છે જેમાં સૌથી વધુ સુરતમાં ૩૭૬, રાજકોટમાં ૨૮૪, જામનગરમાં ૧૧૩, અમદાવાદમાં ૮૧ દર્દીઓ સાજા થયા છે. આજના આંક સાથે રાજ્યમાં અત્યાર સુધીમાં કુલ ૮૬૦૩૪ દર્દીઓ કોરોના મુક્ત થવામાં સફળ રહ્યા છે.
રાજ્યમાં કોરોના વાયરસના વધતા સંક્રમણના કારણે કોરોનાના ટેસ્ટિંગની સંખ્યામાં પણ વધારો કરવામાં આવી રહ્યો છે. હાલ રાજ્ય કુલ ૬૧ લેબોરેટરી કાર્યરત છે અને છેલ્લા એક મહિનાથી રેપિડ એન્ટીજન કિટનો પણ મોટા પ્રમાણમાં ઉપયોગ કરવામાં આવી રહ્યો છે. ગત ૨૪ કલાકમાં ૭૨,૬૯૦ ટેસ્ટ કરવામાં આવ્યા હતા. તો રાજ્યમાં અત્યાર સુધીમાં કુલ ૨૮,૫૩,૩૭૧ ટેસ્ટ કરવામાં આવ્યા છે. રાજ્યના અલગ-અલગ જિલ્લામાં કુલ ૫,૮૦,૪૩૭ વ્યક્તિઓને ક્વોરન્ટાઈન કરવામાં આવ્યા છે. કેસોની વિગત જોઈએ તો સુરત કોર્પોરેશન ૧૭૫, અમદાવાદ કોર્પોરેશન ૧૪૯, સુરત ૧૧૧, રાજકોટ કોર્પોરેશન ૯૬, જામનગર કોર્પોરેશન ૯૪, વડોદરા કોર્પોરેશન ૯૧, રાજકોટ ૫૨, વડોદરા ૩૭, કચ્છ ૩૫, સુરેન્દ્રનગર ૩૫, ભાવનગર કોર્પોરેશન ૩૧, પંચમહાલ ૩૦, મોરબી ૨૭, અમરેલી ૨૪, અમદાવાદ ૨૩, મહેસાણા ૨૨, ભરૂચ ૨૦, ગાંધીનગર ૨૦, બનાસકાંઠા ૧૯, જુનાગઢ ૧૯, પાટણ ૧૯, દાહોદ ૧૮, જુનાગઢ કોર્પોરેશન ૧૭ તેમજ રાજ્યના અન્ય જિલ્લાઓમાં ૧થી ૧પ જેટલા કેસ નોંધાયા છે, જ્યારે રાજ્યમાં સૌથી ઓછા કેસ ડાંગ, મહિસાગર અને અરવલ્લી જિલ્લામાં નોંધાયા છે.

About author

Articles

"VOICE OF TRUE JOURNALISM"
    Related posts
    AhmedabadCrime

    બાળકોના રમકડાંમાં નશાના સામાનની ડિલિવરી ધો.૧૦-૧રના છાત્રો મંગાવતા હોવાનો ઘટસ્ફોટ !

    અમેરિકાથી અમદાવાદ આવેલ પાર્સલોમાં…
    Read more
    AhmedabadGujarat

    વૃક્ષો જ નહીં હોય ત્યાં તીવ્ર ગરમીમાં ક્યાં જઈશું ?

    રાજ્યમાં હાલ તીવ્ર ગરમીનો માહોલ છે.
    Read more
    Ahmedabad

    અમદાવાદ એરપોર્ટ પર આવી પહોંચતા જ ATSએ તેમની કરી ધરપકડISIS સાથે સંકળાયેલ શ્રીલંકાના ચાર શંકાસ્પદ આતંકવાદીઓને ઝડપી લેવાયા

    ATSના ડીવાયએસપીને ૧૮ મેએ બાતમી મળ…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.