Ahmedabad

રાજ્યમાં ટેકાના ભાવે મગફળી ખરીદી શરૂ : ૩૯,૦૦૦ ક્વિન્ટલ ખરીદાઈ !

(સંવાદદાતા દ્વારા) ગાંધીનગર, તા.૧પ
રાજયમાં આજથી ટેકાના ભાવે મગફળીની ખરીદીની પ્રક્રિયાનો પ્રારંભ થયો છે. જે અંગે નાયબ મુખ્યમંત્રી નીતિન પટેલે જણાવ્યું હતું કે, આજે પહેલા જ દિવસે રાજયના ૨૮૨૦ ખેડૂતોએ પોતાની ૩૯,૦૦૦ ક્વિન્ટલથી વધુ મગફળી ટેકાના ભાવે વેચી હતી. આમ આજે અંદાજે રૂા.૧૯ કરોડથી વધુ રકમની મગફળીની સરકાર દ્વારા ખરીદી કરાઈ હતી. ખેડૂતો પાસેથી ટેકાના ભાવે મગફળીની ખરીદી માટે રાજયભરમાં ૧૨૨ ખરીદ કેન્દ્રો શરૂ કરવામાં આવ્યા છે. કેટલાંક તાલુકાઓને બીજા તાલુકાઓ સાથે મર્જ કરતા રાજયમાં હવે ૯૪ ખરીદ કેન્દ્રો પરથી આજથી મગફળીની ખરીદી શરૂ કરવામાં આવી છે. નાયબ મુખ્યમંત્રીએ જણાવ્યું હતું કે, તા.૧લી નવેમ્બરથી શરૂ થયેલા રજીસ્ટ્રેશન પ્રમાણે પ્રથમ નોંધાયેલા ખેડૂતો પાસેથી ક્રમાનુસાર મગફળીની ખરીદીની શરૂઆત કરવામાં આવી છે. નોંધાયેલા ખેડૂતોને સરકાર દ્વારા એસ.એમ.એસ.થી જાણ કરવામાં આવી રહી છે. ૪૭૦૦ જેટલાં ખેડૂતોને તેમણે રજીસ્ટ્રેશન કરાવેલા કેન્દ્રો ખાતે મગફળી લઈને આવવા આ રીતે જાણ કરાઈ છે.
તેમણે જણાવ્યું હતું કે, આજે સવારે ૯ઃ૦૦ વાગ્યાથી શરૂ થયેલ ખરીદી મોડી રાત સુધી ચાલુ રહેવાની સંભાવના છે.
ખેડૂતોને મગફળીના વેચાણમાં જ્યાં પણ નાની મોટી ફરિયાદો મળી છે કે, વ્યવસ્થામાં ઓછપ જણાઈ છે ત્યાં આવતીકાલથી વ્યવસ્થા વધુ સુદ્રઢ કરવાના પૂરતા પગલાં લેવાઈ ગયા છે.
કેન્દ્ર સરકારના નાફેડની સાથે રહીને અન્ન નાગરિક પૂરવઠા નિગમે નોડલ એજન્સી તરીકે ખરીદીની પ્રક્રિયાનો આજથી પ્રારંભ કર્યો છે. કેન્દ્ર સરકારે મગફળી માટે રૂ. ૪,૮૯૦ પ્રતિ ક્વિન્ટલ ટેકાના ભાવ જાહેર કર્યાં છે. તે ઉપરાંત રાજ્ય સરકાર રૂા.૧૧૦ પ્રતિ ક્વિન્ટલ બોનસ આપી રહી છે.

About author

Articles

"VOICE OF TRUE JOURNALISM"
    Related posts
    AhmedabadCrime

    બાળકોના રમકડાંમાં નશાના સામાનની ડિલિવરી ધો.૧૦-૧રના છાત્રો મંગાવતા હોવાનો ઘટસ્ફોટ !

    અમેરિકાથી અમદાવાદ આવેલ પાર્સલોમાં…
    Read more
    AhmedabadGujarat

    વૃક્ષો જ નહીં હોય ત્યાં તીવ્ર ગરમીમાં ક્યાં જઈશું ?

    રાજ્યમાં હાલ તીવ્ર ગરમીનો માહોલ છે.
    Read more
    Ahmedabad

    અમદાવાદ એરપોર્ટ પર આવી પહોંચતા જ ATSએ તેમની કરી ધરપકડISIS સાથે સંકળાયેલ શ્રીલંકાના ચાર શંકાસ્પદ આતંકવાદીઓને ઝડપી લેવાયા

    ATSના ડીવાયએસપીને ૧૮ મેએ બાતમી મળ…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.