National

રામલલ્લા અયોધ્યા વિવાદમાં પક્ષકાર કઇ રીતે બન્યા ?

(એજન્સી) તા.૨૦
અયોધ્યા કેસમાં ૯ ઓગસ્ટના રોજ વકીલ કે પરાશરને સુપ્રીમકોર્ટમાં એવું જાહેર કર્યુ હતું કે અયોધ્યામાં બધુ દેવતાઓની માલિકીનું જ છે. બાબરી મસ્જિદ-અયોધ્યા વિવાદ કેસમાં આ મહિને આરંભાયેલ દૈનિક સુનાવણી દરમિયાન સુપ્રીમકોર્ટના પાંચ ન્યાયમૂર્તિઓની બંધારણી બેંચ સમક્ષ તેમણે આવી દલીલ કરી હતી.
વિવાદના મૂળમાં અયોધ્યાની ૨.૭૭ એકર જમીન રહેલી છે. આ જમીનના પ્લોટ પર બાબરી મસ્જિદ ઊભી હતી જેનો ૧૯૯૨માં હિંદુવાદી કાર્યકરો દ્વારા ધ્વંસ કરાયો હતો. હિંદુવાદી કાર્યકરોનો દાવો છે કે આ રામજન્મભૂમિ સ્થળ છે. આ વિવાદની અદાલતમાં શરુઆત ૧૯મી સદીમાં થઇ હતી પરંતુ જ્યારે મસ્જિદના કેન્દ્રીય ગુંબજ હેઠળ રામની મૂર્તિનું પ્રતિષ્ઠાપન ૧૯૪૯માં કરવામાં આવ્યું ત્યારે આ વિવાદ વધુ વણસ્યો હતો.
આમ રામલલ્લાની મૂર્તિ આ વિવાદમાં એક પક્ષકાર બની ગઇ છે. હવે જ્યારે સુપ્રીમકોર્ટમાં આ કેસ આખરી તબક્કામાં છે ત્યારે બિરાજમાન રામલલ્લા વતી તેમજ અનુમાનિત રામજન્મભૂમિ વતી વકીલ પરાશરને એવો દાવો કર્યો હતો કે સમગ્ર વિવાદી પ્લોટ રામલલ્લાની માલિકીનો છે. પરંતુ અહમ પ્રશ્ન એ છે કે રામલલ્લા અયોધ્યા વિવાદમાં પક્ષકાર કઇ રીતે બન્યા અને તેનાથી ખરેખર કોને લાભ થશે ? રામલલ્લાનું ખરેખર કોણ પ્રતિનિધિત્વ કરી રહ્યું છે? રામલલ્લા અને તેમના જન્મસ્થાન બંનેનું પ્રતિનિધિત્વ ટાઇટલ દસ્તાવેજમાં મિત્રો દ્વારા થઇ રહ્યું છે. ૧૯૮૦થી રામના આવા ત્રણ મિત્રોે જોવા મળે છે આ ત્રણેય મિત્રોને વિશ્વહિંદુ પરિષદ અને આરસએસ જેવા સંઘ પરિવાર સંગઠનો સાથે ગાઢ કનેક્શન છે. જો સુપ્રીમકોર્ટ રામલ્લલાની તરફેણમાં ચુકાદો આપશે તો આ મિત્રો જમીનના કસ્ટોડીયન બની જશે. આમ જમીન પર સંઘ પરિવારનો કબજો આવી જશે.

About author

Articles

"VOICE OF TRUE JOURNALISM"
    Related posts
    NationalPolitics

    દિલ્હી હાઈકોર્ટે કેજરીવાલની ધરપકડ સામેની અરજી ફગાવી

    કેજરીવાલની ધરપકડ માટે ઇડી પાસે પૂરત…
    Read more
    National

    અરવિંદ કેજરીવાલની કસ્ટડીમાં ૪ દિવસનો વધારો

    એક અઠવાડિયાના રિમાન્ડ પછી ગુરૂવારે…
    Read more
    NationalPolitics

    કેજરીવાલને ૬ દિ’ના રિમાન્ડ, AAP દેશવ્યાપી વિરોધ કરશે

    કેજરીવાલની ધરપકડ સામે સુપ્રીમ…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.