Gujarat

લાંભવેલ નજીક ભત્રીજાએ કાકા પર ચપ્પુના ૧૭ ઘા ઝીંકી હત્યા કરી

(સંવાદદાતા દ્વારા) આણંદ, તા. ૬
આણંદ તાલુકાના લાંભવેલ-કણજરી માર્ગ પર ગત રાત્રીના ૯ વાગ્યાના સુમારે મોટરસાયકલ પસાર થઈ રહેલા વલ્લભ વિદ્યાનગરના કાકા-ભત્રીજા વચ્ચે કોઈ બાબતે ઝઘડો થતા ઉશ્કેરાયેલા ભત્રીજાએ કાકા પર ચપ્પુના ઘા ઝીંકી કરપીણ હત્યા કરવાનો બનાવ આણંદ ગ્રામ્ય પોલીસ મથકે નોંધાયો છે.
વલ્લભ વિદ્યાનગરમાં નાના બજારમાં ૪૨ ગામ પાટીદાર સમાજ છાત્રાલય પાછળ રહેતા પ્રેમજીભાઈ શંભુભાઈ ભાટીયા પોતાના ભત્રીજા જગદીશભાઈને લેવા માટે ભોજાભાઈનું મોટરસાયકલ લઈ સલુણ ગામે ગયા હતા. અને રાત્રીના ૯ વાગે પ્રેમજીભાઈ પોતાના ભત્રીજા જગદીશભાઈને પોતાની મોટરસાયકલ પાછળ બેસાડી સલુણથી વલ્લભ વિદ્યાનગર ઘરે જવા નીકળ્યા હતા. ત્યારે રસ્તામાં જગદીશભાઈ અને પ્રેમજીભાઈ વચ્ચે કોઈ બાબતે બોલાચાલી થતા જગદીશ ઉશ્કેરાઈ ગયો હતો અને તેણે પ્રેમજીભાઈ પર ચપ્પુના કરપીણ ઘા ઝીંકી ભાગી છૂટ્યો હતો. ઘટનાની જાણ થતા જ આણંદ ગ્રામ્ય પોલીસ મથકના પીએસઆઈ આર. એન. ઘાસુરા સહિતનો પોલીસ સ્ટાફ નડિયાદની સિવિલ હોસ્પિટલમાં પહોંચી ગયા હતા. આ બનાવ અંગે આણંદ ગ્રામ્ય પોલીસે શાંતિબેન પ્રેમજીભાઈ ભાટીયાની ફરિયાદના આધારે જગદીશભાઈ ભોજાભાઈ ભાટીયા વિરૂદ્ધ હત્યાનો ગુનો નોંધી વધુ તપાસ હાથ ધરી છે. પોલીસે આજે બપોરે મૃતદેહનું પોસ્ટમોર્ટમ કર્યા બાદ તેમના પરિવારજનોને સુપ્રત કર્યો હતો.હત્યારા ભત્રીજાની પોલીસે ધરપકડ કરી હતી.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.