Gujarat

વડોદરાની સયાજી હોસ્પિટલની નાયબ મુખ્યમંત્રીએ મુલાકાત લીધી : સ્થિતિની સમીક્ષા કરી

(સંવાદદાતા દ્વારા) વડોદરા, તા.૨૧
વડોદરા શહેરમાં આજે કોરોના વાયરસનો ત્રીજો પોઝિટિવ કેસ આવતા રાજ્યનાં નાયબ મુખ્યમંત્રી નિતીન પટેલ આજે વડોદરા દોડી આવ્યા હતા. તેમજ સયાજી હોસ્પિટલની મુલાકાત લીધી હતી અને સુપ્રિટેન્ડેન્ટ સહિતનાં તબીબો અને અધિકારીઓની બેઠક યોજી કોરોના વાયરસની સારવાર અંગેની સ્થિતિની સમિક્ષા કરી હતી.
નાયબ મુખ્યમંત્રી નિતીન પટેલે પત્રકારો સાથે વાત કરતાં જણાવ્યું હતું કે, ગુજરાતમાં કોરોના વાયરસનાં ૧૩ પોઝિટિવ કેસો આવ્યા છે. જેઓને રાજકોટ, વડોદરા અને સુરતની હોસ્પિટલમાં સારવાર આપવામાં આવી રહી છે. રાજ્ય સરકાર દ્વારા અને આરોગ્ય વિભાગ દ્વારા કોરોના વાયરસ વધુ ફેલાઇ નહીં તે માટે નક્કર કામગીરી કરવામાં આવી રહી છે. આજે મેં સયાજી હોસ્પિટલની મુલાકાત લઇ નિરીક્ષણ કર્યું હતું. વડોદરામાં ૩ દર્દીઓની ઘનિષ્ઠ સારવાર ચાલી રહી છે. જ્યારે આ દર્દીઓનાં તેમજ તેમના પરિવારજનોનાં સંપર્કમાં આવેલા ૨૪ જેટલા પરિવારજનોને કવોરોન્ટાઇન કરાયા છે. આ તમામને ૧૪ દિવસ સુધી કવોરોન્ટાઇનમાં રાખવામાં આવશે. કોરોના વાયરસનાં પોઝીટીવ વ્યકિતઓનાં સંપર્કમાં જે વ્યકિતઓ આવ્યા હોય તેઓને હું તાત્કાલીક સયાજી હોસ્પિટલમાં સંપર્ક કરવા અપીલ કરૂં છું.
નિતીન પટેલે વધુમાં જણાવ્યું હતું કે, કોરોના વાયરસ પોઝિટિવ વ્યકિત બીજા વ્યક્તિને મળે તો ઝડપથી ફેલાય છે. જેના કારણે ગુજરાતમાં કોઇપણ જગ્યાએ મંદિર, મોલ, થિયેટર કે કોઇપણ જગ્યાએ લોકો ભેગા ન થાય તે માટે પગલા લેવાયા છે. સ્કૂલો, કોલેજો, સ્વીમીંગપુલ, મોલ બંધ કરાયા છે. જીવન જરૂરિયાત સિવાયની દુકાનો બંધ કરવાનો નિર્ણય કરવામાં આવ્યો છે. ૬૫ વર્ષની ઉપરની ઉંમરની વ્યક્તિઓ બને ત્યાં સુધી ઘરેથી ન નિકળે, અને લોકોમાં સંપર્કમાં ન આવે તેવી વિનંતી છે. રાજ્ય સરકાર કોરોના વાયરસ બાબતે ગંભીરતાથી કામગીરી કરી રહી છે. એરપોર્ટ પર પણ વિદેશથી આવતા લોકો પર પણ તપાસ કરવામાં આવે છે. અને હું દેશવાસીઓ સહિત વડોદરાવાસીઓને પણ આવતીકાલે અપાયેલા જનતા કરફયુનાં એલાનમાં જોડાઇ આ મહામારી સાથે લડવા અને તેને પરાસ્ત કરવા અપીલ કરૂં છું.

About author

Articles

"VOICE OF TRUE JOURNALISM"
    Related posts
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    CrimeGujarat

    કટ્ટરવાદી કાજલ શિંઘાળાએ મુસ્લિમ મહિલાઓ અને મુસ્લિમ સમાજ વિશે અશોભનીય બફાટ કરતા પ્રચંડ રોષની લાગણી

    મુસ્લિમ મહિલાઓની આબરૂ તથા અસ્મિતાનું…
    Read more
    CrimeGujarat

    વિદ્યાર્થીએ ટિકિટ માંગી તો કંડક્ટરે લોહીલુહાણ કર્યોલીંબડી બસ સ્ટેન્ડમાં એસટી બસના કંડક્ટરે વિદ્યાર્થીને માર મારતો વીડિયો વાયરલ

    વિદ્યાર્થીને માથાના ભાગે ઈજા થતાં…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.