Gujarat

વડોદરામાં અછોડાતોડ ગેંગનો હાહાકાર ચાર સ્થળોએ અછોડા તોડ્યા

(સંવાદદાતા દ્વારા) વડોદરા, તા. ૫
વડોદરા આજે સવારે એક પછી એક સાથે ચાર સ્થળોએ અછોડા તોડ ગેંગે આતંક મચાવી લૂંટ ચલાવતા વડોદરાની સતર્ક અને સક્ષમ પોલીસ દોડતી થઇ હતી.
શહેરના વાડી વિસ્તારમાં આવેલી છેલ્લી પોળમાં રાધાકૃષ્ણ મંદિર આવેલું છે. જ્યાં ૭૫ વર્ષના જયાબેન દવે મંદિરમાં સેવા આપે છે. આજે સવારે તેઓ મંદિરનો કચરો બહાર આવેલી કચરાની ગાડીમાં નાખવા માટે નિકળ્યા હતા. આ સાથે બાઇક પર આવેલા બે અજાણ્યા ઇસમો પૈકી એકે તેઓને મોઢા પર લાફો ઝીંકી સોનાના અછોડાની લૂંટ કરી હતી. જયાબેને તેઓનો વિરોધ કરતા બાઇક સવારે તેઓને લાફા ઝીંક્યા હતા. અને ફરાર થયા હતા. ઘટનાનાં પગલે જયાબેને બુમરાણ મચાવતા સ્થાનિક લોકો સ્થળ પર દોડી આવ્યા હતા. ઘટનાની જાણ વાડી પોલીસને થતા પોલીસ પણ સ્થળ પર આવી પહોંચી હતી. અને વિસ્તારમાં લગાવેલા સીસીટીવી ફૂટેજના આધારે તપાસ હાથ ધરી છે.
લૂંટના બીજો બનાવ સીટી પોલીસ મથકની હદમાં કાલપુર વિસ્તારમાં બન્યો હતો. કાલુપુર વિસ્તારમાં આવેલા બ્રાહ્મણ ફળિયામાં ૫૫ વર્ષના ઇલાબેન પ્રજાપતિ રહે છે. આજે સવારે તેઓ મકાનનાં ઓટલા પર બેઠા હતા. તે સમયે બાઇક પર આવેલા બે પૈકીના એક ઇસમે તેઓને સરનામું પુુછયું હતું અને જોત જોતામાં તેઓનાં ગળામાં પહેરેલ દોઢથી બે તોલાનું મંગળસૂત્ર તોડી ફરાર થયો હતો.
બનાવને પગલે સીટી પોલીસ મથકનો કાફલો સ્થળ પર દોડી આવ્યો હતો અને તપાસ શરૂ કરી હતી. આ સિવાય શહેરના મકરપુરા પોલીસ મથકની હદમાં આવતા તરસાલી તથા હરણી રોડ પર આવેલી પીએન્ડટી કોલોની નજીકની ગીતાપાર્ક સોસાયટી પાસેથી પણ અછોડાની લૂંટ થઇ હોવાની માહિતી મળી છે.
થોડાક સમયમાં એક પછી એક એમ ચાર સ્થળોએ અછોડા લૂંટવાની ઘટનાથી પોલીસ વિભાગ દોડતું થયું હતું. અને ઠેર ઠેર નાકાબંધી કરી હતી. પોલીસે વિવિધ વિસ્તારોમાંથી સીસીટીવી ફૂટેજ મેવી ફરાર લૂંટારૂઓની ધરપકડના ચક્રો ગતિમાન કર્યા છે.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.