Gujarat

વડોદરામાં પ્રેમમાં પાગલ પ્રેમિકા પ્રેમી સાથે ત્રીજી વખત ફરાર

(સંવાદદાતા દ્વારા) વડોદરા, તા.૨૭
બે વખત પ્રેમી સાથે ફરાર થઇ ગયેલી યુવતિ ત્રીજી વખત પોતાના પરિવારને સંબોધતી ચિઠ્ઠી લખીને પ્રેમી સાથે ફરાર થઇ ગઇ હોવાનો કિસ્સો પ્રકાશમાં આવ્યો છે. યુવતિનાં પિતાએ માંજલપુર પોલીસ મથકમાં દીકરીના અપહરણની ફરિયાદ નોંધાવી છે. પ્રાપ્ત થતી વિગત અનુસાર, અટલાદરા ગામમાં રહેતી અને શહેરની જાણીતી હાઇસ્કૂલમાં અભ્યાસ કરતી પુજા (નામ બદલ્યું છે) રંગ અવધુત ફાટક પાસે સાંઇ આર્કેડમાં રહેતા ક્રિષ્ણા જાદવ નામના યુવાનના પ્રેમમાં પાગલ છે. થોડા દિવસ પૂર્વે યુવતિ પ્રેમી સાથે ફરાર થઇ ગઇ હતી. જેતે સમયે પરિવારજનો તેને સમજાવીને ઘરે લઇ આવ્યા હતા. તે બાદ પુનઃ એક વાર યુવતિ પ્રેમી ક્રિષ્ણાના ઘરે રહેવા જતી રહી હતી. ત્યારે પણ ગામના અગ્રણીઓ તેને સમજાવીને ઘરે પરત લઇ આવ્યા હતા. બે વખત પ્રેમી સાથે યુવતિ ફરાર થઇ જતાં પરિવારજનોએ યુવતિની સ્કૂલ બંધ કરાવી દીધી હતી.
પ્રેમીના પ્રેમમાં પાગલ પુજાએ પરિવારજનોએ સંબોધતી ચિઠ્ઠી લખીને બે જોડી કપડા લઇ પ્રેમી સાથે ત્રીજી વખત ફરાર થઇ ગઇ છે. પરિવારને સંબોધતી લખેલી ચિઠ્ઠીમાં યુવતિએ લખ્યું છે કે, હું મારા પ્રેમી સાથે જાઉં છું. મારી શોધખોળ કરશો નહીં. પરિવારની ઇચ્છા વિરૂદ્ધ પ્રેમી સાથે ફરાર થઇ ગયેલી દીકરીને પરત લાવવા માટે પિતાએ માંજલપુર પોલીસ મથકમાં પ્રેમી ક્રિષ્ણા જાદવ સામે લગ્ન કરવાની લાલચ આપી અપહરણ કરી ગયો હોવાની ફરિયાદ નોંધાવતા પોલીસે તપાસ હાથ ધરી છે.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.