Gujarat

વડોદરા જિલ્લા રજિસ્ટ્રાર કચેરીનો કર્મચારી ૬૦ હજારની લાંચ લેતા ઝડપાયો

(સંવાદદાતા દ્વારા) વડોદરા, તા.૬
ધીરધારનું લાયસન્સ લેવા માટે રૂપિયા ૬૦ હજારની લાંચ લેતા જિલ્લા રજિસ્ટ્રાર કચેરીના ધીરધાર વિભાગના વર્ગ-૩ના કર્મચારીને વડોદરા લાંચ રૂશ્વત વિરોધી શાખાએ રંગેહાથ ઝડપી પાડ્યા હતા. શહેરના કારેલીબાગ વિસ્તારમાં આવેલ મુખ્યમંત્રી આવાસમાં સ્કાય હાર્મોનિયમમાં જે ટાવરના ૭૦૩ નંબરના મકાનમાં દિલીપભાઈ ધનજીભાઈ મકવાણા રહે છે. તેઓએ નર્મદાભૂવન સ્થિત રજિસ્ટ્રારની કચેરીમાં ધીરધારના વ્યવસાય માટે લાયસન્સ માટે અરજી કરી હતી, જે અરજી બાદ તેઓ કર્મચારી વિપુલ ગાંધીને મળ્યા હતા. વિપુલ ગાંધીએ લાયસન્સ કાઢી આપવા માટે રૂપિયા ૧ લાખની લાંચની માગણી કરી હતી, જે તડજોડના અંતે રૂપિયા ૬૦ હજાર નક્કી થયા હતા. અરજદાર દિલીપભાઈ મકવાણાએ રજિસ્ટ્રાર કચેરીના કર્મચારી વિપુલ ગાંધીએ લાયસન્સ કાઢી આપવા માટે કરેલી લાંચની માગણીનું સ્ટીંગ કરી લીધું હતું. સ્ટીગમાં કર્મચારી વિપુલ ગાંધી જણાવે છે કે, અમારે રૂપિયા ૧ લાખમાંથી રૂપિયા પ૦ હજાર ગાંધીનગર સુધી પહોંચાડવા પડે છે. અરજદાર દિલીપભાઈ મકવાણાએ સ્ટીંગ કરેલ વીડિયો અને મૌખિક વિપુલ ગાંધી સાથે થયેલી વાતચીતની વિગતો સાથે એસીબીમાં ફરિયાદ નોંધાવી હતી. એસીબીએ ફરિયાદના આધારે સાંજે છટકું ગોઠવીને રજિસ્ટ્રાર કચેરીના ધીરધારનું લાયસન્સ આપવાનું કામ કરતા વર્ગ-૩ના કર્મચારી વિપુલ ગાંધીને રૂપિયા ૬૦ હજારની લાંચ લેતા ઝડપી પાડ્યા હતા. એસીબીએ તેઓ સામે ગુનો નોંધી કાર્યવાહી હાથ ધરી હતી. આ સાથે તેઓના ઘરે મોડી રાત્રે એસીબીએ સર્ચની પણ કાર્યવાહી હાથ ધરી હતી.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.