Gujarat

વાગરાના ખડખંડાલી માર્ગ પર બાઈકચાલક પર પથ્થરમારાથી ફફડાટ

(સંવાદદાતા દ્વારા) વાગરા, તા.૩૦
વાગરા-આમોદ માર્ગ ઉપરથી પસાર થઈ રહેલા બાઇકચાલક પર પત્થર વર્ષા થતા ગભરાઈ ગયેલા ચાલકે નજીકના ગામે જઈ કેફિયત રજૂ કરતા ગામ લોકો ના ટોળા ઘટના સ્થળે દોડી ગયા હતા.
વાગરાથી આમોદ જવાના માર્ગે ગત મધરાત્રીની આસપાસ બાઇક સવાર પર પત્થર બાજી થયાની ઘટના પ્રકાશમાં આવી હતી. કેરવાડાનો એક યુવાન રાતના બાર વાગ્યાની આજુબાજુ વાગરાથી કેરવાડા ગામે જતો હતો. ત્યાં એકાએક ખડખંડાલી ગામ પહેલા આવેલ મોટા નાળા પાસેથી પસાર થતા જ પથ્થરોનો વરસાદ થયો હતો. જેમાં યુવાન આબાદ બચી ગયો હતો. જ્યારે બાઇકને એક બે પથ્થર વાગ્યા હતા. એકાએક થયેલ પથ્થરબાજીને પગલે ગભરાઈ ગયેલા યુવકે પુરપાટ ઝડપે મોટરસાઇકલને ભગાડી મૂકી હતી. જો કે નજીકમાં ગામ આવી જતા તેણે હેમખેમ ગાડી ઉભી રાખી ગામ લોકોને પથ્થર મારાની વાત જણાવતા ઘટના સ્થળે ગામ લોકો દોડી ગયા હતા અને ખેતરો ખૂંદયા હતા. તેઓને રોડની બાજુમાં આવેલ ખેતરમાં પથ્થરનો ઢગલો જોવા મળ્યો હતો. જ્યારે માર્ગ ઉપર છુટા છવાયા પથ્થર પડેલા નજરે પડયા હતા. આ અંગે એક જાગૃત નાગરિકે વાગરા પોલીસને જાણ કરતા પોલીસ સ્થળ ઉપર દોડી આવી હતી. આ વાત વાયુ વેગે પંથકમાં પ્રસરી જતા માર્ગ પરથી પસાર થતા વાહન ચાલકોમાં રીતસરનો ભય ફેલાઈ જવા પામ્યો હતો.
સાથે વાગરા-કેરવાડા માર્ગ પર પોલીસ પેટ્રોલિંગ સઘન બનાવવામાં આવે એવી લોક માંગ ઉઠવા પામી છે.નાળાની વચ્ચે બે મોટા પથ્થર મુક્યા હતા જેને લઈને એટલો ક્યાસ લગાવી શકાય કે કોઈ ટોળકી વાહન ચાલકોને નિશાન બનાવવાના ફિરાકમાં હોવાનું અનુમાન નકારી શકાય તેમ નથી.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.