Gujarat

વાગરા મામલતદાર કચેરીએ અરજદારની આત્મ વિલોપનની ચીમકીને પગલે દોડધામ

(સંવાદદાતા દ્વારા) વાગરા, તા.ર૮
કરજણના એક અરજદારે વાગરા મામલતદારના હુકમથી નારાજ થઇ આત્મવિલોપનની ચીમકી ઉચ્ચારતા સુસવાટા મારતી ઠંડીમાં પણ વાગરા મામલતદાર સંકુલના વાતાવરણમાં ગરમાવો પ્રસરી જવા પામ્યો હતો. અરજદારની જીવન સંકેલી લેવાની ધમકીને પગલે વહિવટીતંત્ર તેમજ પોલીસ બેડામાં દોડધામ મચી જવા પામી હતી. વાગરાના ભેરસમ ગ્રામ પંચાયતના રેવન્યુ દફતરે ૫૧૭ સર્વેનંબર મગન ભીખાભાઈ સોલંકીના નામે ચાલે છે. જેમાં કરજણ તાલુકાના વીરજઈ ગામે રહેતા પ્રહલાદ રમણ સોલંકીએ વારસાઈ હક્કે નામ દાખલ કરવા અરજી કરી હતી. જે નામંજૂર થતા અરજદારે પ્રાંત કચેરીમાં દાદ માંગી હતી. જ્યાં પ્રાંત અધિકારીએ પણ સદર અપીલ નામંજૂર કરતા અરજદારે કલેકટર કાર્યાલયમાં ઘા નાંખી હતી. જેની સામે સુનાવણીને અંતે જિલ્લા સમાહર્તાએ અરજદારની અપીલ અરજીને અંશતઃ મંજૂર કરી વાગરા મામલતદારને નવેસરથી નિર્ણય લેવા આદેશ કર્યો હતો. વાગરા મામલતદારે તબક્કાવાર સુનાવણી હાથ ધરી હતી. જેમાં સદર કેસ સિવિલ કોર્ટમાં ચાલતો હોવાથી તેનો ચૂકાદો આવે તે બંને પક્ષકારોને બંધનકર્તા રહેશે તેવો હુકમ કર્યો હતો. મામલતદારના હુકમથી નારાજ થઇ અરજદાર પ્રહલાદ સોલંકીએ ગત ગુરૂવારના રોજ રોષે ભરાઈને સોમવારના રોજ વાગરા મામલતદાર કચેરીમાં આત્મવિલોપન કરવાની ચીમકી ઉચ્ચારી હતી. આત્મ વિલોપનની ધમકીને પગલે વાગરા મામલતદારે સંબંધિત તંત્રને લેખિતમાં સાવચેતીના પગલા ભરવા જાણ કરી હતી. આત્મવિલોપનના મામલે કોઈક અનિચ્છનીય ઘટના ના સર્જાય તે માટે સવારથી જ વાગરા પી.એસ. આઈ. જે.કે ડાંગર સહિતનો પોલીસ કાફલો મામલતદાર સંકુલમાં ખડકાઈ ગયો હતો. સાથે જ વાગરા આરોગ્ય કેન્દ્રની એમ્બ્યુલન્સ તથા મેડિકલ ટીમ પણ કચેરીમાં સર્તક કરવી પડી હતી. જો કે, ૧૨ વાગ્યાની આસપાસ કરજણ પોલીસે પ્રહલાદની અટકાયત કર્યાની માહિતી મળતા વાગરા મામલતદાર તેમજ પોલીસે રાહતનો દમ લીધો હતો.

About author

Articles

"VOICE OF TRUE JOURNALISM"
    Related posts
    Gujarat

    ભાજપના પૂર્વ કેબિનેટ મંત્રી ચાવડાનો સોશિયલ મીડિયા એકાઉન્ટ પર ઈશારો : વીડિયો વાયરલ

    ગુજરાત ભાજપમાં ફરી એકવાર નવા-જૂન…
    Read more
    Crime DiaryGujarat

    રાજકોટનો ગેમઝોન ભયંકર આગમાં બન્યો મોતનો ઝોન : ર૮નાં કરૂણ મોત

    માત્ર એક કલાકમાં જ ર૪ જેટલા મૃતદેહો…
    Read more
    Gujarat

    હિંમતનગરના ગામડી પાસે નેશનલ હાઈવે પર વાહનની ટક્કરે વ્યક્તિનું મોત ઉશ્કેરાયેલા લોકોએ હાઈવે બ્લોક કર્યો પોલીસ પર પથ્થરમારો કરી વાનને આગ ચાંપી

    ટોળાને વિખેરવા ટીયરગેસના ૧ર૦થી વધુ…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.