Gujarat

વાલિયાના કોંઢ ગામે નજીવી બાબતે બે જૂથ વચ્ચે અથડામણ : ૬ને ઈજા

(સંવાદદાતા દ્વારા) અંકલેશ્વર,તા.૩૦
વાલિયાના કોંઢ ગામના દેસાઈ ફળિયામાં નજીવી બાબતે બે જૂથ વચ્ચે અથડામણ થતા વાહનોમાં તોડફોટ અને છ વ્યક્તિઓને ઈજાઓ થવા પામી હતી. બનાવ અંગે વાલિયા પોલીસ મથકે સામ-સામે પોલીસ ફરિયાદ નોંધાવા પામી છે.
પ્રાપ્ત માહિતી અનુસાર વાલિયા તાલુકાના કોંઢ ગામના દેસાઈ ફળિયામાં રહેતા ગૌતમ ભાઈ કૌશિકભાઈ દેસાઈ ગત રોજ આશરે રાતે ૧૦ વાગ્યાની આસપાસ ઘરના સભ્યો સાથે બેઠા હતા તે દરમિયાન ગામના ફૈઝલ હનીફભાઈ પટેલ, અહમદ રાવત અને અબ્દુલ અટન બાઈક લઇ પસાર થઇ રહ્યા હતા. જે વેળાએ બાળકો રમતા હોય બાઈક સવાર યુવાનોને બાઈક ધીમી અને હોર્ન નહીં વગાડવા મુદ્દે ગૌતમભાઈ દેસાઈએ ઠપકો આપતા ઉશ્કેરાયેલા યુવાનોએ અન્ય આઠ યુવાનોને મળી ગૌતમભાઈ દેસાઈ અને તેઓના પરિવારજનોને લાકડા અને ઢીકા પાટુનો મારમારતા તેઓને અને તેઓના પરિવારના ત્રણ સભ્યોને ઈજા થતા તેઓને તાત્કાલીક સારવાર અર્થે વાલિયા ખાતે ખસેડવામાં આવ્યા હતા જયારે હુમલાખોરોએ પથ્થરમારો કરતા ઘરની બહાર પાર્ક કરેલ વાહનોમાં નુકશાન થવા પામ્યું હતું બનાવ અંગે ગૌતમ દેસાઈએ વાલિયા પોલીસ મથકે ફરિયાદ નોંધાવી હતી.
જ્યારે સામે પક્ષે પણ વાલિયા પોલીસ મથકે ફરિયાદ નોંધાવી હતી. જેમાં જણાવ્યાં અનુસાર ફૈઝલ હનીફ પટેલ અને તેના બે મિત્રો બાઈક લી દેસાઈ ફળીયામાંથી પસાર થઇ રહ્યા હતા તે વેળાએ ગૌતમભાઈ દેસાઈએ અહી કેમ હોર્ન મારો છો અને આવેશમાં આવી જઈ ફૈઝલ હનીફભાઈ પટેલ, અહમદ રાવત અને અબ્દુલ અટન પર હુમલો કરી મારમારતા ત્રણેય યુવાનોને ઈજા પહોંચતા ઈજાગ્રસ્તોને તાત્કાલીક સારવાર અર્થે ખસેડવામાં આવ્યા હતા. બનાવ અંગે ફૈઝલ પટેલે વાલિયા પોલીસ મથકે ગૌતમ દેસાઈ સહિત ૧૦ ઇસમો વિરૂદ્ધ ગુનો નોંધાવ્યો હતો. બનાવ અંગે વાલિયા પોલીસે બન્ને પક્ષોની ફરિયાદ નોંધી વધુ તપાસ હાથ ધરી છે.

About author

Articles

"VOICE OF TRUE JOURNALISM"
    Related posts
    Gujarat

    ભાજપના પૂર્વ કેબિનેટ મંત્રી ચાવડાનો સોશિયલ મીડિયા એકાઉન્ટ પર ઈશારો : વીડિયો વાયરલ

    ગુજરાત ભાજપમાં ફરી એકવાર નવા-જૂન…
    Read more
    Crime DiaryGujarat

    રાજકોટનો ગેમઝોન ભયંકર આગમાં બન્યો મોતનો ઝોન : ર૮નાં કરૂણ મોત

    માત્ર એક કલાકમાં જ ર૪ જેટલા મૃતદેહો…
    Read more
    Gujarat

    હિંમતનગરના ગામડી પાસે નેશનલ હાઈવે પર વાહનની ટક્કરે વ્યક્તિનું મોત ઉશ્કેરાયેલા લોકોએ હાઈવે બ્લોક કર્યો પોલીસ પર પથ્થરમારો કરી વાનને આગ ચાંપી

    ટોળાને વિખેરવા ટીયરગેસના ૧ર૦થી વધુ…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.