Gujarat

સાબરકાંઠા જિ.માં પશુઓની સારવાર માટે ૪ મોબાઈલ એમ્બ્યુલન્સ ફાળવાઈ

હિંમતનગર, તા.રપ
સાબરકાંઠા જિલ્લાના પશુપાલકોને પોતાના પશુઓની ઝડપથી સારવાર મળી રહે તે માટે જિલ્લામાં ચાર મોબાઈલ પશુ દવાખાનાની એમ્બ્યુલન્સ ફાળવવામાં આવી છે. જેને જિલ્લા વિકાસ અધિકારી ડૉ. રાજેન્દ્ર પટેલ અને જિલ્લા પંચાયત પ્રમુખ રતનબેન સુતરીયાની ઉપસ્થિતિમાં કાર્યરત કરવામાં આવી. ઉલ્લેખનીય છે કે, રાજ્ય કક્ષાએથી ૧૦૮ જેટલી પશુ સારવાર માટેની એમ્બ્યુલન્સ મુખ્યમંત્રી વિજય રૂપાણીના હસ્તે રાજ્યભરમાં રવાના કરવામાં આવી હતી. જે પૈકી સાબરકાંઠા જિલ્લામાં પશુઓની સારવાર માટે ૪ મોબાઈલ એમ્બ્યુલન્સ ફાળવવામાં આવી છે. જિલ્લા વિકાસ અધિકારી ડૉ. રાજેન્દ્ર પટેલે જણાવ્યું કે, મુખ્યમંત્રી વિજય રૂપાણીની પ્રેરણાથી ૧૦ ગામ દીઠ એક મોબાઈલ પશુ દવાખાનની સેવાનો પ્રારંભ કરવામાં આવ્યો છે. જેના કારણે પશુ પાલકો ૧૯૬૨ પર કોલ કરી પોતાના પશુની નિઃશુલ્ક સારવાર કરાવી શકશે. રાજ્ય સરકારની આ યોજના મારફતે નિઃશુલ્ક પશુ સારવાર ૩૬૫ દિવસ સવારે ૭થી રાત્રે ૭ દરમ્યાન પશુપાલકોને ઘરે બેઠા ઉપલબ્ધ થશે. આ તમામ વાહનોમાં જી.પી.એસ.ની સુવિધા હોવાથી મુખ્યમંત્રીના ડેશબોર્ડ મારફતે યોજનાનું રીયલ ટાઈમ મોનિટરીંગ પણ કરવામાં આવશે. આ પ્રસંગે જિલ્લા પંચાયત પ્રમુખ જિલ્લાના પશુપાલન અધિકારી જનક પટેલ, પ્રોજેક્ટ કો.ઓડીનેટર ૧૯૬૨ પ્રતિક સુથાર તેમજ ૧૦૮ના જૈમિન પટેલ ઉપસ્થિત રહ્યા હતા.

About author

Articles

"VOICE OF TRUE JOURNALISM"
    Related posts
    GujaratHarmony

    ભરૂચની પટેલ વેલ્ફેર હોસ્પિ.માં કોમી એકતાનો અનોખો કિસ્સો મુસ્લિમ મિત્રોની મદદથી સુરતનો ચંદન મોત સામેનો જંગ જીતી ગયો

    માતા-પિતાના અવસાન બાદ બે બહેનોન…
    Read more
    Gujarat

    વટામણ-ધોલેરા હાઇવે પર ભોળાદ ગામ નજીક કાર-ટ્રક વચ્ચે સર્જાયેલ ગોઝારા અકસ્માતમાં અમદાવાદના એક જ પરિવાના ચારનાં મોત

    શાહપુર વિસ્તારના લોકો ઇદ નિમિત્તે…
    Read more
    CrimeGujarat

    સુરતના VR મોલને મળ્યો ધમકીભર્યો મેઈલ જેટલાને બચાવવા હોય તેટલાને બચાવી લો, બ્લાસ્ટ કરવામાં આવશે

    પોલીસે બે હજારથી વધુ લોકોને બહાર…
    Read more
    Newsletter
    Become a Trendsetter

    Sign up for Davenport’s Daily Digest and get the best of Davenport, tailored for you.