(એજન્સી)આઝમગઢ, તા.૧ર
દલિત હત્યાના કેસમાં કોર્ટે ચાર આરોપીઓમાંથી ત્રણને દોષિત ઠેરવ્યા અને તેમને આજીવન કેદની સજા ફટકારી ઉપરાંત, દરેકને ૫૦,૦૦૦ રૂપિયાનો દંડ ફટકારવામાં આવ્યો. જ્યારે આ જ કેસમાં અન્ય એક આરોપીને પૂરતા પુરાવાના અભાવે નિર્દોષ છોડી દેવામાં આવ્યો. SC STકોર્ટના ન્યાયાધીશ કમલાપતિએ આ ચુકાદો આપ્યો હતો. કેસ અનુસાર, બરદાહ પોલીસ સ્ટેશનના ઉસરગવનના રહેવાસી વાદી રામદુલારના ભત્રીજા રાજેન્દ્ર ૨૨ ઓકટોબર ૨૦૦૩ની રાત્રે તેના રૂમમાં તેના પુત્ર સાથે સૂતા હતા. રાત્રે ૧૦ વાગ્યે ગોળીબારનો અવાજ સાંભળીને રામદુલાર ત્યાં પહોંચ્યા ત્યારે તેમણે જોયું કે ગામના રાણા પ્રતાપ સિંહ, પ્રદીપ સિંહ, મનીષ કુમાર સિંહ રાજેન્દ્ર પર ગોળીબાર કરી રહ્યા હતા અને જાતિ આધારિત અપશબ્દોનો ઉપયોગ કરીને ભાગી રહ્યા હતા. તપાસ દરમિયાન, રામદુલારે પોલીસને પોતાના નિવેદનમાં જણાવ્યું હતું કે આ ઘટનામાં ગામના અદાલત રામનું કાવતરૂં હતું. આ કેસમાં, સંબંધિત પોલીસ સ્ટેશને કેસ નોંધ્યો અને આરોપીઓ વિરૂદ્ધ ચાર્જશીટ કોર્ટમાં મોકલી ફરિયાદ પક્ષે ૧૧ સાક્ષીઓને રજૂ કર્યા અને દલીલો રજૂ કરી. બંને પક્ષોની દલીલો સાંભળ્યા બાદ, કોર્ટે આરોપી રાણા પ્રતાપ, પ્રદીપ સિંહ, મનીષ સિંહને દોષિત જાહેર કરી હતા.
- Wed, September 30, 2026
- Top Stories
- Trending
- Wed, September 30, 2026