(એજન્સી) તા.૨૨
ઓક્ટોબર ૨૦૨૩થી ઇઝરાયેલના નરસંહાર યુદ્ધમાં ૫૫,૯૦૮ પેલેસ્ટીની મૃત્યુ પામ્યા છે. મંત્રાલયના એક નિવેદનમાં જણાવવામાં આવ્યું છે કે, છેલ્લા ૪૮ કલાકમાં ૨૦૨ મૃતદેહો હોસ્પિટલોમાં લાવવામાં આવ્યા હતા, જ્યારે ૧,૦૩૭ લોકો ઘાયલ થયા હતા, જે ઇઝરાયેલના હુમલામાં ઘાયલ થયેલા લોકોની સંખ્યા ૧૩૧,૧૩૮ પર લાવે છે. તેણે જણાવ્યું કે, ‘ઘણા પીડિત લોકો હજુ પણ કાટમાળ હેઠળ અને રસ્તાઓ પર ફસાયેલા છે કારણ કે બચાવ ટીમો તેમના સુધી પહોંચવામાં અસમર્થ છે. ગાઝાના આરોગ્ય મંત્રાલયે અહેવાલ આપ્યો છે કે ૨૭ મેથી સહાય વિતરણ વિસ્તારોને નિશાન બનાવી રહેલા ઇઝરાયેલી હુમલાઓને કારણે માનવતાવાદી સહાય મેળવવા માટે આગળ આવેલા ૪૫૦ પેલેસ્ટીની મૃત્યુ પામ્યા છે અને ૩,૪૬૬ અન્ય ઘાયલ થયા છે. ઇઝરાયેલી સૈન્યએ ૧૮ માર્ચે ગાઝા પટ્ટી પર ફરીથી હુમલો શરૂ કર્યો અને ત્યારથી જાન્યુઆરીમાં થયેલા યુદ્ધવિરામ અને કેદીઓના વિનિમય સોદાને તોડી પાડતા ૫,૫૯૯ લોકો મૃત્યુ પામ્યા અને ૧૯,૦૯૭ અન્ય ઘાયલ થયા. ગયા નવેમ્બરમાં, ઇન્ટરનેશનલ ક્રિમિનલ કોર્ટે ઇઝરાયેલના વડાપ્રધાન બેન્જામિન નેતન્યાહુ અને તેમના પૂર્વ સંરક્ષણ મંત્રી યોવ ગાલાન્ટ માટે ગાઝામાં યુદ્ધ અપરાધો અને માનવતા વિરૂદ્ધના ગુનાઓ માટે ધરપકડ વોરંટ જારી કર્યું હતું. ઈઝરાયેલને ઈન્ક્લેવ પરના તેના યુદ્ધને લઈને ઈન્ટરનેશનલ કોર્ટ ઓફ જસ્ટિસમાં નરસંહારના કેસનો પણ સામનો કરવો પડી રહ્યો છે.
- Mon, October 5, 2026
- Top Stories
- Trending
- Mon, October 5, 2026