(એજન્સી) તા.૧૮
ગાઝા પરના તેના નવીનતમ આદેશમાં યુએન ઓફિસ ફોર હ્યુમેનિટેરિયન અફેર્સ (OCHA)એ અહેવાલ આપ્યો કે વિસ્થાપિત લોકો માટેના સ્થળો, આશ્રયસ્થાનો અને કેન્દ્રોમાં રહેતા ૧,૭૦,૦૦૦થી વધુ પેલેસ્ટીનીઓ ઇઝરાયેલ દ્વારા આજે વહેલી સવારે જારી કરાયેલા સ્થળાંતર આદેશથી પ્રભાવિત થયા છે. દક્ષિણ ગાઝા માટેના આ આદેશમાં હવે ખાન યુનિસ અને દેર અલ-બલાહના વિસ્તારોનો સમાવેશ થાય છે જે અગાઉ ગાઝાના ‘માનવતાવાદી ક્ષેત્ર’નો ભાગ માનવામાં આવતા હતા, સ્થળાંતર આદેશ બાદ ગાઝા પટ્ટીની અંદર ‘સલામત’ ગણાતા વિસ્તારના કદમાં વધુ ઘટાડો થયો છે.OCHAએ એ પણ નોંધ્યું છે કે, ‘પીવાના અને ઘરેલું પાણીને જંતુમુક્ત કરવા’ માટે આવશ્યક ભંડાર માત્ર વધુ એક મહિના ચાલશે તેવી અપેક્ષા છે. મધ્ય ગાઝાના એઝ-ઝવેદા વિસ્તારમાં વિસ્થાપિત પેલેસ્ટીનીઓને આશ્રય આપતા વેરહાઉસ પર ઇઝરાયેલી સૈન્યએ બોમ્બમારો કર્યા પછી ઓછામાં ઓછા ૧૫ લોકો માર્યા ગયા હોવાના અહેવાલ છે, લોકો હજુ પણ ગુમ થયા છે.
- Tue, October 6, 2026
- Top Stories
- Trending
- Tue, October 6, 2026