(એજન્સી) તા.૩
સ્થાનિક મીડિયા અનુસાર, સોમવારે સાંજે કબજાવાળા વેસ્ટ બેંકમા ઇઝરાયેલી સેનાએ એક પેલેસ્ટીની બાળકને ગોળી મારીને હત્યા કરી હતી. રાજ્ય સમાચાર એજન્સી વફાના જણાવ્યા અનુસાર, રામલ્લાહના ઉત્તરપૂર્વમાં સિંજિલ શહેરમાં ૧૪ વર્ષના છોકરાને ઇઝરાયેલી સેનાએ ગોળી મારીને પકડી લીધો હતો, પરંતુ તેનું મૃત્યુ થયું હતું. ગામના રહેવાસી પત્રકાર મોહમ્મદ ગફારીએ જણાવ્યું કે, બાળક સિંજિલના ઉત્તરીય પ્રવેશદ્વાર પાસે હતો જ્યારે તેને ઇઝરાયેલી સેનાએ ગોળી મારી હતી. તેમણે જણાવ્યું કે, ‘સેનાએ બાળકને ગોળી મારી, તેના કપડાં ઉતારી દીધા અને તેને થોડીવાર માટે લોહી વહેતું છોડી દીધું, ત્યારબાદ સેનાની એમ્બ્યુલન્સ આવી અને તેને લઈ ગઈ. પેલેસ્ટીની આરોગ્ય મંત્રાલયના જણાવ્યા અનુસાર, ૭ ઓક્ટોબર ૨૦૨૩ના રોજ ગાઝા પટ્ટી પર ઇઝરાયેલના આક્રમણની શરૂઆતથી, કબજાવાળા વેસ્ટ બેંકમા ઇઝરાયેલી સેના અને ગેરકાયદેસર વસાહતીઓ દ્વારા કરવામાં આવેલા હુમલામાં ૯૭૩ પેલેસ્ટીની મૃત્યુ પામ્યા છે અને ૭,૦૦૦થી વધુ ઘાયલ થયા છે. ઇન્ટરનેશનલ કોર્ટ ઑફ જસ્ટિસે ગયા જુલાઈમાં જાહેર કર્યું કે, પેલેસ્ટીની પ્રદેશો પર ઇઝરાયેલનો લાંબા સમયથી કબજો ગેરકાયદેસર છે, અને વેસ્ટ બેંક અને પૂર્વ જેરૂસલેમમાં તમામ વસાહતોને ખાલી કરાવવા માટે માંગ કરી હતી.
- Wed, July 29, 2026
- Top Stories
- Trending
- Wed, July 29, 2026