(એજન્સી) ઇસ્તંબુલ, તા.૧૩
ઇઝરાયેલ ‘દુશ્મન વિના રહી શકતું નથી’ અને તેની સરકાર હવે તુર્કીને એક દુશ્મન તરીકે દર્શાવવાનો પ્રયાસ કરી રહી છે, એમ તુર્કીના વિદેશ પ્રધાન હકાન ફિદાને સોમવારે જણાવ્યું હતું. ૭ ઓકટોબર, ૨૦૨૩ના રોજ ઇઝરાયેલમાં હમાસ દ્વારા સરહદ પાર કરાયેલા હુમલા બાદ ગાઝા યુદ્ધ ફાટી નીકળ્યા બાદ તુર્કી અને ઇઝરાયેલ વચ્ચે તણાવ સતત વધ્યો છે. રાષ્ટ્રપતિ રેસેપ તૈયપ એર્દોગને તેમના અમેરિકન સમકક્ષ ડોનાલ્ડ ટ્રમ્પને ‘સંભવિત ઉશ્કેરણી અને તોડફોડ’ની ચેતવણી આપ્યા બાદ સપ્તાહના અંતે આ વિવાદ એક નવા તબક્કામાં પ્રવેશ્યો જે ઇરાન પર યુએસ-ઇઝરાયેલ યુદ્ધમાં પ્રારંભિક યુદ્ધવિરામ વ્યવસ્થાને જોખમમાં મૂકી શકે છે. ઇઝરાયેલી વડાપ્રધાન બેન્જામિન નેતાન્યાહુએ શનિવારે વચન આપ્યું હતું કે, ઇઝરાયેલ તેહરાન અને તેના પ્રાદેશિક સાથીઓનો સામનો કરવાનું ચાલુ રાખશે. ‘ઈરાન પછી ઇઝરાયેલ દુશ્મન વિના રહી શકતું નથી,’ ફિદાને રાજ્ય સંચાલિત એનાદોલુ સમાચાર એજન્સી સાથેના ટેલિવિઝન ઇન્ટર્વ્યૂમાં કહ્યું. ‘આપણે જોઈએ છીએ કે માત્ર નેતાન્યાહુનું વહીવટ જ નહીં પરંતુ વિપક્ષના કેટલાક વ્યક્તિઓ પણ – જો કે બધા નહીં – તુર્કીને નવો દુશ્મન જાહેર કરવા માંગે છે,’ તેમણે કહ્યું. ‘આ ઇઝરાયેલમાં એક નવો વિકાસ છે. રાજ્યની વ્યૂહરચનામાં ફેરવાઈ રહ્યો છે,’ તેમણે ઉમેર્યું.
- Sun, April 26, 2026
- Top Stories
- Trending
- Sun, April 26, 2026
