(એજન્સી) તા.૧૫
ઈઝરાયેલના સંરક્ષણ મંત્રી ઈઝરાયેલ કાત્ઝે શનિવારે ધમકી આપી કે જો ઈરાન ઈઝરાયેલની સીમા પર મિસાઈલો છોડવાનું ચાલુ રાખશે તો તેહરાનને સળગાવી દેશે. ઈઝરાયેલના અખબાર ધ ટાઈમ્સ ઓફ ઈઝરાયેલના જણાવ્યા અનુસાર ઈઝરાયેલ ડિફેન્સ ફોર્સીસ ચીફ ઓફ સ્ટાફ ઈયલ ઝમીર, મોસાદના ડાયરેક્ટર ડેવિડ બાર્નીઆ અને અન્ય વરિષ્ઠ સૈન્ય અધિકારીઓ ઉપસ્થિત રહેલા ઉચ્ચ સ્તરીય સુરક્ષા મૂલ્યાંકન દરમિયાન કાત્ઝની ટિપ્પણીઓ આવી હતી. ‘ઈરાની સરમુખત્યાર ઈરાનના નાગરિકોને બંધક બનાવી રહ્યો છે અને એક વાસ્તવિકતા બનાવી રહ્યો છે જેમાં તેઓ, ખાસ કરીને તેહરાનના રહેવાસીઓ, ઈઝરાયેલના નાગરિકો પરના ગુનાહિત હુમલાની ભારે કિંમત ચૂકવશે,’ કાત્ઝે ઈરાનના સર્વોચ્ચ નેતા અલી ખામેનીનો ઉલ્લેખ કરતા દાવો કર્યો. તેમણે જણાવ્યું કે ‘જો ખામેની ઇઝરાયેલના ઘરના મોરચે મિસાઇલો છોડવાનું ચાલુ રાખશે, તો તેહરાન બળી જશે. અગાઉ, ઇઝરાયેલના ચીફ ઓફ સ્ટાફ ઇયલ ઝમીર અને એરફોર્સ કમાન્ડર તોમર બારે રાજધાની તેહરાન પર નવા હવાઈ હુમલાની જાહેરાત કરતા જણાવ્યું કે ‘ઈરાનનો માર્ગ મોકળો થઈ ગયો છે.’ તેઓએ જણાવ્યું કે યોજના અનુસાર, ઇઝરાયેલની વાયુસેનાના વિમાનો તેહરાનમાં લક્ષ્યો પર હુમલો કરશે. ઈઝરાયેલે શુક્રવારે સવારે ઈરાન વિરૂદ્ધ એક વિશાળ હવાઈ હુમલો કર્યો, જેમાં પરમાણુ સ્થળો અને મિસાઈલ સ્થાપનોને નિશાન બનાવ્યા અને વરિષ્ઠ લશ્કરી કમાન્ડરો અને પરમાણુ વૈજ્ઞાનિકોની હત્યા કરી. તે સાંજે પછીથી ઈરાને શ્રેણીબદ્ધ મિસાઈલ અને ડ્રોન હુમલાઓ સાથે બદલો લીધો. ઈઝરાયેલી મીડિયાએ અહેવાલ આપ્યો છે કે હુમલામાં ત્રણ ઈઝરાયેલના મોત થયા છે અને ૧૭૨ અન્ય ઘાયલ થયા છે.
- Tue, October 6, 2026
- Top Stories
- Trending
- Tue, October 6, 2026