૨૮ ફેબ્રુઆરી, ૨૦૨૬ના રોજ, યુનાઇટેડ સ્ટેટ્સના રાષ્ટ્રપતિના નિર્દેશ પર, યુ.એસ. સેન્ટ્રલ કમાન્ડ (CENTCOM) દ્વારા ફ્લોરિડાના ટેમ્પા ખાતે ‘ઓપરેશન એપિક ફ્યુરી’ શરૂ કરવામાં આવ્યું
(એજન્સી) તા.૨૧
‘ધ વોશિંગ્ટન પોસ્ટ’ના અહેવાલ મુજબ, વ્હાઇટ હાઉસના એક પ્રવક્તાએ જણાવ્યું છે કે ટ્રમ્પ વહીવટીતંત્રના મતે ઈરાન સાથેના યુદ્ધને કારણે દારૂગોળાની અછત વધુ વકરી છે, જ્યારે પેન્ટાગોન પાસે પોતાના ભંડારને ફરીથી ભરવા માટે કોઈ વ્યાપક યોજના નથી. પ્રવક્તાએ કહ્યું કે, ઈરાન સાથેના યુદ્ધે પેન્ટાગોનના શસ્ત્રાગારમાં રહેલી મહત્વપૂર્ણ દારૂગોળાની “કાયમી” અછતને દૂર કરવાના મુદ્દાને વધુ મહત્વપૂર્ણ બનાવી દીધો છે. તેમણે ઉમેર્યું કે, યુનાઇટેડ સ્ટેટ્સ પાસે વિશ્વનું સૌથી સક્ષમ સૈન્ય છે, જે રાષ્ટ્રપતિ ડોનાલ્ડ ટ્રમ્પ દ્વારા પસંદ કરવામાં આવેલા કોઈપણ સમયે અને કોઈપણ સ્થળે હુમલો કરવા માટે સંપૂર્ણ રીતે સજ્જ છે. તેમણે કહ્યું કે, યુ.એસ. સૈન્ય પાસે “રાષ્ટ્રપતિ ટ્રમ્પના તમામ વ્યૂહાત્મક લક્ષ્યોને પૂરા કરવા માટે – અને તેનાથી પણ આગળ – પૂરતા પ્રમાણમાં દારૂગોળો અને અન્ય સામગ્રીનો ભંડાર ઉપલબ્ધ છે.” આ પહેલાં, ‘ન્યૂઝમેક્સ’ (CENTCOM)એ ‘ગવર્નમેન્ટ એકાઉન્ટેબિલિટી ઓફિસ’ (ર્ય્છં)ના એક અહેવાલને ટાંકીને જણાવ્યું હતું કે, “ઈરાન સાથેના યુદ્ધને કારણે દારૂગોળાની અછત વધુ તાકીદની બની હોવા છતાં, પેન્ટાગોન પાસે પોતાના દારૂગોળા અને મિસાઈલના ભંડારને ફરીથી ભરવા માટે કોઈ વ્યાપક યોજના નથી.” આ અહેવાલમાં વધુમાં જણાવાયું છે કે, “જોકે સંરક્ષણ વિભાગે મહત્વપૂર્ણ શસ્ત્રોનું ઉત્પાદન વધારવા માટે પગલાં લીધાં છે, પરંતુ તેઓ શસ્ત્રોની ખરીદી અને તેના પર થતા ખર્ચને સૈન્યની જરૂરિયાતો સાથે જોડતી કોઈ સર્વગ્રાહી વ્યૂહરચના બનાવવામાં નિષ્ફળ રહ્યા છે.”