(એજન્સી) તા.૨૫
ઉત્તરી અને મધ્ય ગાઝા પટ્ટી પર ઈઝરાયેલના હવાઈ હુમલામાં છ બાળકો સહિત ૧૬ પેલેસ્ટીની મૃત્યુ પામ્યા છે. તબીબી અધિકારીઓએ જણાવ્યું કે ગાઝા શહેરની પૂર્વમાં, અલ-તુફાહ પડોશમાં મશરાવી પરિવારના ઘર પર ઇઝરાયેલી દળો દ્વારા કરવામાં આવેલા બોમ્બમારામાં ત્રણ પેલેસ્ટીનીઓે તેમજ બાળકો મૃત્યુ પામ્યા છે. તબીબી સ્ત્રોતો અનુસાર, મધ્ય ગાઝામાં અલ-મગરાકા વિસ્તારને નિશાન બનાવતા ઇઝરાયેલી હવાઈ હુમલામાં વધુ બે પેલેસ્ટીની મૃત્યુ પામ્યા છે. આ હુમલા ઇઝરાયેલના ચાલુ હુમલાનો એક ભાગ છે જે તાજેતરના દિવસોમાં વધુ તીવ્ર બન્યો છે. આ દરમિયાન, દક્ષિણ ગાઝાના પશ્ચિમ રફાહમાં ઇઝરાયેલે અન્ય એક હવાઈ હુમલો કર્યો. પ્રારંભિક અહેવાલોમાં હુમલામાં કોઈ જાનહાનિની ખાતરી થઈ નથી. ગાઝા સિટીની બાપ્ટિસ્ટ હોસ્પિટલના એક તબીબી સ્ત્રોતે જણાવ્યું કે ઇઝરાયેલી આર્ટિલરી અને હવાઈ હુમલાઓ દ્વારા પૂર્વ ગાઝા સિટીના ઝિટાઉન પડોશ તેમજ બીટ લાહિયા અને ઉમ્મ અલ-નાસર શહેરોને નિશાન બનાવ્યા બાદ પાંચ પેલેસ્ટીનીઓના મૃતદેહ અને ઘણા ઘાયલ વ્યક્તિઓને હોસ્પિટલમાં લાવવામાં આવ્યા હતા. ઈઝરાયેલને ઈન્ક્લેવ પરના યુદ્ધ માટે ઈન્ટરનેશનલ કોર્ટ ઓફ જસ્ટિસમાં નરસંહારના કેસનો પણ સામનો કરવો પડી રહ્યો છે.
- Sun, September 13, 2026
- Top Stories
- Trending
- Sun, September 13, 2026