(એજન્સી) મેરઠ, તા.૨૪
ક્રિકેટ મેચ દરમિયાન ૫૦ રૂપિયાનો દાવ હારી ગયા બાદ અને પૈસા ચૂકવી ન શક્યા બાદ ૧૬ વર્ષના દલિત છોકરા પર કથિત રીતે સાત યુવાનો (બધા સગીર) દ્વારા જાતીય હુમલો કરવામાં આવ્યો હતો. ગુનેગારોએ આ ઘટનાનો વીડિયો રેકોર્ડ કર્યો અને તેને સાથીદારોમાં ફેલાવ્યો, જેમણે સોશિયલ મીડિયા પર ક્લિપ અપલોડ કરવાની ધમકી આપીને ઘણી વખત તેના પર જાતીય હુમલો કર્યો. જોકે શરૂઆતનો હુમલો લગભગ એક મહિના પહેલા ઉત્તર પ્રદેશના સહારનપુર જિલ્લાના એક ગામમાં થયો હતો, પરંતુ તાજેતરમાં જ ફરિયાદ દાખલ કરવામાં આવી હતી કારણ કે, આઘાતગ્રસ્ત છોકરો વધુ સહન ન કરી શક્યો અને તેણે તેના પરિવારને પોતાની આપવીતી જણાવી હતી. છોકરાના પિતાએ કહ્યું કે, તેનો પુત્ર એટલો આઘાત પામ્યો હતો કે તે દિવસો સુધી ઘરની બહાર નીકળ્યો ન હતો.સર્કલ ઓફિસર વૈભવ પાંડેએ જણાવ્યું હતું કે, ‘સગીર એવા જૂથના બધા સભ્યોએ, તેના અશ્લીલ વીડિયોના બહાને છોકરા પર ઘણી વખત જાતીય હુમલો કરવામાં આવ્યો હતો.’પાંડેએ જણાવ્યું હતું કે, ‘ફરિયાદ બાદ, સાત યુવાનો વિરૂદ્ધ SC/ST એક્ટની કલમ ૩ (૨)(૫) અને પોક્સો એક્ટની કલમ ૩છ અને ૪ હેઠળ હ્લૈંઇ નોંધવામાં આવી છે અને તેમાંથી ત્રણની અટકાયત કરવામાં આવી છે. પીડિતની તબીબી તપાસ કરવામાં આવી હતી અને તેના નિવેદનો નોંધવામાં આવ્યા હતા. તપાસ ચાલુ છે. ક્રિકેટ મેચના સટ્ટા અંગેના વિવાદની પણ તપાસ કરવામાં આવી રહી છે,’.
- Mon, June 8, 2026
- Top Stories
- Trending
- Mon, June 8, 2026